చంద్రబాబు అఘోరానా?

చంద్రబాబు నాయుడిని నరరూపరాక్షసుడు (అఘోరా)గా చిత్రిస్తూ "సాక్షి" పత్రిక నేడు ఎన్నికల అనుబంధంలో మంచి గ్రాఫిక్ డిజైన్ తో ఒక వార్తాకథనాన్ని ప్రచురించింది. అరుంధతి సినిమాలో విలన్ సోనూ సూద్ "అఘోరా"గా జనాన్ని భయపెట్టి సినిమాను సూపర్ హిట్ చేశాడు. ఇప్పుడు సాక్షి కూడా అదే ఫార్ములాను రాజకీయంగా మరో రకంగా ఉపయోగించుకుంది. చంద్రబాబు నాయుడి తెల్లగడ్డం, గతంలో ఆయన పేదలకు వ్యతిరేకంగా పరిపాలించడం, మామ ఎన్టీఆర్ కు వెన్నుపోటు పొడవడం వంటి కారణాల వల్ల సాక్షిలో చంద్రబాబును అఘోరాగా చూపించడం బాగా పేలింది.

చంద్రబాబు నాయుడు అధికారంలోకి వస్తే కోటిన్నర సామాన్య కుటుంబాల మెడ మీద కత్తి పడుతుందని ఆ పత్రిక ఒక కథనాన్ని ప్రచురించింది. కోటిన్నర తెల్ల కార్డులను బాబు రద్దు చేస్తాడని, ఆరోగ్యశ్రీ వంటి పథకాలను రద్దు చేస్తారని, వీటన్నిటినీ తీసేసి నగదు బదిలీ పథకాన్ని అమలు చేయాలనుకుంటున్నారని సాక్షి రాసింది. ఈ కథనం ప్రభావం ఓటర్ల మీద ఏ మేరకు ఉంటుందో తెలుసుకోడానికి ఒక నెల రోజులు ఆగాల్సిందే.