చిరుపై రోజా కోపానికి కారణమిదా?

చిరంజీవిపై రోజాకు అంత ద్వేషం ఉండడానికి కారణం రాజకీయాలు కాదని, సినిమాలే కారణమని తెలుస్తోంది. చంద్రబాబు నాయుడే ఆమెను చిరంజీవిపై విమర్శలు చేయమని రెచ్చగొడుతున్నాడని అందరూ అనుకున్నారు. అది కొంత వరకు నిజమే కానీ అంత కంటే కఠోరమైన ఫ్లాష్ బ్యాక్ నిజాలు ఉన్నాయి. చిరంజీవి మంచి ఫామ్ లో ఉన్నప్పుడు రోజా కూడా అగ్ర హీరోయిన్ల జాబితాలో ఉంది. ఆమె చిరంజీవి, బాలకృష్ణ వంటి అగ్ర హీరోలతో నటించింది. అయితే చిరంజీవితో ఎక్కువ చిత్రాల్లో నటించే అవకాశాలు రోజాకు రాలేదు.

బాలీవుడ్ భామల్లా తెల్లగా ఉండకుండా రోజా నల్లగా ఉండడం చిరంజీవికి నచ్చలేదట. అందువల్లనే ఆనాడు కొందరు నిర్మాతలు, దర్శకులు సూచించినా చిరంజీవి రోజాను హీరోయిన్ గా అంగీకరించలేదని తెలుస్తోంది. అప్పటి నుంచి చిరంజీవి పై ఆమె వ్యక్తిగత ద్వేషం పెంచుకుంది. ఘటోత్కచుడు వంటి సినిమాల్లో అలీ వంటి వారి పక్కన హీరోయిన్ గా చేసిన రోజాతో తాను నటించడమేమిటని చిరంజీవి చెప్పేసరికి నిర్మాతలు నమ్రతగా బాలీవుడ్ హీరోయిన్ల వేటలో పడేవారు. తన కెరియర్ కు ఇంత ద్రోహం చేసిన చిరంజీవిపై రాజకీయంగా అయినా ప్రతీకారం తీసుకునే ఉద్దేశంతో రోజా దాదాపు తొడ గొట్టినంతగా చిరు బ్రదర్స్ పై విమర్శలు చేసింది. చిరంజీవి వల్ల ఎంతమంది హీరోయిన్లు ఎన్ని రకాలుగా ఇబ్బంది పడ్డారో ఆమె చిట్టా బయట పెడతాననే సరికి ఈ వివాదానికి తెరపడింది.