చిరంజీవి గుడ్ బోయ్!

చిరంజీవి సినిమా రంగంలోనే కాదు, రాజకీయాల్లో మరీ ముఖ్యంగా అసెంబ్లీలో మంచి బాలుడిగా పేరు తెచ్చుకున్నారు. సినిమా పాత్రల్లో ఆయన ఎంత్ రఫ్ఫో రాజకీయాల్లో అంత సాఫ్ట్. అయితే ఈ సాఫ్ట్ వైఖరి తమ కొంపముంచుతుందేనన్న భయం ప్రజారాజ్యం నాయకులకు పట్టుకుంది. కాంగ్రెస్, టిడిపిలను రఫ్ఫాడిస్తే కానీ ఐదేళ్ళ తర్వాత అయినా అధికారంలోకి రాలేమని వారి ఆలోచన. కానీ చిరంజీవి మామూలు ఎమ్మెల్యేలను కూడా మెగా నిర్మాతలుగా భావించి అతి వినయం ఒలకబోయడం ఆయన పార్టీ మేధావులనే ఆశ్చర్యానికి, దిగ్భ్రాంతికి గురిచేసింది. ఉత్తరభారతదేశ రాజకీయాల్లాగా నాయకుడు పదునుగా, దూకుడుగా ఉండాలని వారు ఆశిస్తున్నారు.

వినయంతోనే జనం అభిమానం చూరగొనాలని చిరంజీవి ప్రయత్నంగా కన్పిస్తోంది. రెండు బలమైన పార్టీలు ఉన్న రాష్ట్రంలో మూడో పార్టీ అధికారంలోకి రావాలంటే రఫ్ ఆడిస్తేనే సాధ్యం. పార్టీ పెట్టడం ఆలస్యం కావడం, సంస్ధాగత నిర్మాణం జరుగకపోవడం వల్ల అధికారంలోకి రాలేకపోయామన్నది చిరు, అల్లు అరవింద్ ల అభిప్రాయం. వచ్చే ఎన్నికలకు ఒక ఏడాది ముందు కాంగ్రెస్ టిడిపిలను రఫ్ ఆడించాలన్నది చిరంజీవి స్క్రిప్టుగా కన్పిస్తోంది. అది కూడా ఒక రకంగా మంచి వ్యూహమే.