జీవితకు పదవి?

గత ఎన్నికల్లో చిరంజీవికి వ్యతిరేకంగా పనిచేసిన జీవిత, రాజశేఖర్ దంపతులంటే రాష్ట్ర కాంగ్రెస్ అధినేత వైఎస్ రాజశేఖరరెడ్డికి ప్రత్యేక అభిమానం. జీవితకు ఏదో ఒక అసెంబ్లీ టికెట్ ఇద్దామని ఆయన అనుకున్నా అనేక కారణాల వల్ల అది సాధ్యం కాలేదు. ఒక కార్పొరేషన్ చైర్మన్ పదవో, లేదా మహిళా కమిషన్ అధ్యక్ష పదవో ఆమెకు ఇవ్వడానికి రంగం సిద్ధమవుతోంది. అయితే జీవిత మహా గడుసు పిండం. భర్త రాజశేఖర్ భావోద్రేకాలను నియంత్రణలో ఉంచేది ఆమే.

వైఎస్ ఏదో ఒక పదవి ఇస్తే తీసుకునేది లేదని జీవిత బహిరంగంగా చెబుతోంది. తనకు నచ్చిన పదవి ఇస్తేనే తీసుకుంటానని ఆమె చెప్పింది. జీవిత చంద్రబాబు మీద ఎక్కువ విమర్శలు చేసి ఉంటే ఇంకా పెద్దగా వైఎస్ దృష్టిలో పడి ఉండేది. ఆమె విమర్శలు చిరంజీవికే పరిమితం కావడంతో కాంగ్రెస్ లో ఆమె పాత్ర కూడా చిన్నదైపోయింది.