చంద్రబాబు కొత్త ఆశలు!

రోశయ్య ప్రభుత్వం నానాటికీ క్షీణించడం తెలుగుదేశం అధినేత చంద్రబాబుకు ఆనందం కలిగిస్తోంది. వచ్చే ఎన్నికల వరకు రోశయ్య కొనసాగితే చాలన్న ఆభిప్రాయం ఆయనలో ఉంది. ఈలోపు జగన్ వంటి డైనమిక్ నాయకుడు వస్తే తన పాచికలు పారవన్న విషయంలో కూడా చంద్రబాబుకు స్పష్టత ఉంది. అందుకే చంద్రబాబు నాయుడు వ్యూహాత్మకంగా రోశయ్య ప్రభుత్వంపై విమర్శలు పెద్దగా చేయడం లేదు. రాష్ట్రంలో మరోసారి కాంగ్రెసు ప్రభుత్వం అధికారంలోకి వచ్చే అవకాశాలు సన్నగిల్లడంతో చంద్రబాబు తన వ్యూహాలకు పదుకు పెట్టుకుంటున్నారు. అయితే చంద్రబాబును ఈ సారి కూడా జనం పెద్దగా నమ్మే అవకాశం కన్పించడం లేదు. ఆయన తాను చేసిన పాపాల కంటే ఎక్కువ పాపిగా జనంలో ముద్ర పొందారు.

వచ్చే ఎన్నికల గురించి ఇప్పుడే ముచ్చట పెట్టడం సముచితం కాదు. అయినా చంద్రబాబు నాయుడు ప్రజారాజ్యంతో పొత్తు పెట్టుకుంటే అవకాశాలు మెరుగు అవుతాయి. అయితే ప్రజారాజ్యం ఎక్కుస స్ధానాలను అడిగే అవకాశముంది. అందువల్ల పొత్తు దాదాపు అసాధ్యమే. ఇక లోక్ సత్తాతో బాబు పొత్తు పెట్టుకుంటే కమ్మ కులం ఏకమైందన్న సంకేతాలు జనంలోకి వెళ్ళి మరింత ప్రమాదం జరిగే అవకాశముంది. ఇంకా మూడు నాలుగేళ్ళ సమయం ఉంది కాబట్టి చంద్రబాబు పెద్దగా కంగారు పడాల్సిన అవసరం లేదు. ఈలోపు ఆయన రేటింగ్స్ లీ చివరి స్ధానంలో ఉన్న స్టూడియో ఎన్ అనే న్యూస్ చానల్ ను అభివృద్ధి చేసుకోవచ్చు.