తెలంగాణ ఉప ఎన్నికలపై బాబు ఆశలు

రాజ్యసభ అభ్యర్ధుల ఎంపిక అనే పద్మవ్యూహం నుంచి బయటపడ్డ చంద్రబాబు పార్టీ బలోపేతానికి తీసుకోవలసిన చర్యల గురించి తెలుగు మేధావులతో చర్చిస్తున్నారు. తెలంగాణ ఉప ఎన్నికలకు ముందే నూతన టిడిపి పొలిట్ బ్యూరోను ఏర్పాటు చేయాలని ఆయన స్పీడుగా ముందుకు వెళ్తున్నారు. పన్నెండు అసెంబ్లీ స్ధానాల్లో అసెంబ్లీ ఉప ఎన్నికలు జరుగనున్నాయి. ఈ 12 స్ధానాలకు పోటీ చేయడానికి టిడిపి నాయకులను చంద్రబాబు కొద్ది రోజులుగా సమాయత్త పరుస్తున్నారు. సరిగ్గా పనిచేస్తే ఇందులో కనీసం 5 సీట్లు దక్కించుకోవచ్చని చంద్రబాబు నాయుడూ ఆశిస్తున్నారు. కాంగ్రెస్ కూడా ఉప్ప ఎన్నికలకు అభ్యర్ధులను దించకతప్పని పరిస్ధితి ఏర్పడింది. కాంగ్రెస్-ప్రజారాజ్యం పొత్తు ఈ ఎన్నికల్లో ఉండకపోవచ్చు.

ఇటీవలి కాలంలో వివిధ ఆరోప ణలు ఎదుర్కొంటున్న కొందరు మహిళా నేతలను తప్పించి, వారి స్థానంలో కొత్త వారికి అవకాశం కల్పించవచ్చ ని, వారికి తెలుగుమహిళలో చోటిస్తారని ప్రచారం జరు గుతోంది. కొద్ది కాలంగా తమకు అధినేతతో సన్నిహిత సంబంధాలున్నాయని, ఆయన తాము చెప్పినట్లు వింటా రని కొందరు మహిళానేతలు బాహాటంగా ప్రచారం చేసుకోవడం, అధినేతతో జరిగిన సమావేశాల వివరాల ను బాబుకు వ్యతిరేకంగా ఉన్న రెండు పత్రికలకు లీక్‌ చే స్తున్న వైనం కార్యాలయం దృష్టికి వచ్చినట్లు తెలిసింది.