తెలివైన హరికృష్ణ అసలు స్వరూపం!

హరికృష్ణ ఆవేశపరుడిగా అనాయకుడిగా కన్పిస్తారు. కానీ అతను చాలా తెలివిన వాడు. చంద్రబాబు నాయుడు ఆడిస్తున్న నాటకంలో అతను పాత్రధారి అనడం సందేహాస్పదమే. హరికృష్ణకు ఎన్టీఆర్ కుటుంబ సభ్యులంతా బాగా ఉండడం ఏ పార్టీలో ఉన్నా ఆయనకు ముఖ్యం. కాంగ్రెస్ లో ఉన్న పురందేశ్వరితో ఆయనకు ఇప్పటికీ మంచి సంబంధాలు ఉన్నాయి. ఎన్టీఆర్ ఒక సామ్రాజ్యాన్ని అంటే మంచి కార్యకర్తల, నేతల నెట్ వర్క్ ను స్ధాపించి వెళ్ళిపోయారు. ఇప్పుడు పురందేశ్వరి కేంద్ర మంత్రి అయినా, చంద్రబాబు నాయుడు కొన్ని వేలకోట్లకు పడగెత్తినా అది ఎన్టీఆర్ పుణ్యమే.

ఎన్టీఆర్ ను చంద్రబాబు గద్దె దించడం వెనుక హరికృష్ణ మద్దతు లేకపోలేదు. తండ్రి మానసిక క్షోభ అనుభవిస్తాడని తెలిసినా లక్ష్మీపార్వతి మీద ఆగ్రహంతో చంద్రబాబు నాయుడుకు ఆనాడు ఆయన మద్దతు ఇచ్చాడు. తన ఎమ్మెల్యేలను క్యాంప్ గా పెట్టిన వైస్రాయ్ హోటల్ కు ఎన్టీఆర్ వెళ్ళినప్పుడు ఆయన మీద చెప్పులు పడ్డాయి. తండ్రి మీద అటువంటి దాడి జరుగుతుందని తెలిసినా హరికృష్ణ ఆ పరిసరాల్లో లేకుండా జాగ్రత్త పడి చంద్రబాబు నాయుడు ముఖ్యమంత్రి కావడానికి సహకరించాడు. వచ్చే ఎన్నికల్లో చంద్రబాబు హయాంలో తెలుగుదేశం అధికారంలోకి వస్తుందన్న గ్యారంటీ లేదు. అయినా మరో ఐదేళ్ళ పాటు హరికృష్ణ రాజ్యసభ సభ్యుడిగా ఎంజాయ్ చేయవచ్చు.