కల్కి భగవాన్ ఆస్ధులు 10 వేల కోట్లా?

కల్కి భగవాన్ ఆస్ధులు 10వేల కోట్లు అని టీవీ9 ప్రసారం చేసింది. కల్కి ఆశ్రమంలో ఖరీదైన డ్రగ్స్ లభిస్తాయట. ఇతను గతంలో ఎల్ ఐసి ఏజెంట్. నెలకు నాలుగు వేల ఆదాయమొస్తే ఎక్కువ. అటువంటి వ్యక్తి భగవాన్ అవతారమెత్తి అమాయక భక్తులను మోసం చేస్తున్నాడన్నది టీవీ9 ప్రత్యేక కథనం సారాంశం. తాను భగవాన్ గా మారడమే కాక భార్యను భగవతీ దేవతగా మార్చడం మరో విశేషం. తాను విష్ణుమూర్తి పదో అవతారమని ఆయన ప్రచారం చేసుకున్నాడు.

అమ్మ భగవాన్ దర్శనానికి 5వేల రూపాయలు చార్జి చేస్తారట. కల్కి కుమారుడు రియల్ ఎస్టేట్ వ్యాపారంలో ఉన్నాడు. అమ్మ భగవాన్ ప్రత్యేక దర్శనానికి 25 వేలు చార్జ్ చేస్తున్నారట. కల్కి భక్తుల్లో మంత్రులు, ఎమ్మెల్యేలు, న్యాయమూర్తులు ఉన్నారు. మొదట టీవీ9 విలేకరి కొన్ని ఆరోపణలు విన్పించి డబ్బు డిమాండ్ చేశాడని, తాము డబ్బు ఇవ్వడానికి సిద్ధంగా లేకపోవడంతో కథనాన్ని ప్రసారం చేశారని ఆశ్రమ నిర్వాహకులు చెబుతున్నారు. నీరు పల్లమెరుగు, నిజం దేవుడెరుగు.