• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

వైయస్ జగన్ పైనా ఐటి దాడులు?

By Pratap
|
YS Jagan
కాంగ్రెసు కడప పార్లమెంటు సభ్యుడు వైయస్ జగన్ కు కూడా ఐటి దాడుల ప్రమాదం తప్పదనే మాట వినిపిస్తోంది. తాజాగా, కర్ణాటక మంత్రి గాలి జనార్దన్ రెడ్డి అనుచురుల ఇళ్లపైనా, ఆయన వ్యక్తిగత సహాయకుల ఇళ్లపైనా ఐటి దాడులు జరుగుతున్న నేపథ్యంలో ఆ మాట వినిపిస్తోంది. గాలి జనార్దన్ రెడ్డికి వైయస్ జగన్ మంచి మిత్రుడు. అంతేకాకుండా వైయస్ జగన్ గాలి జనార్దన్ రెడ్డి డబ్బులతోనే ఓదార్పు యాత్ర చేస్తున్నారనే అభిప్రాయం బలంగా ఉంది. గాలి జనార్దన్ రెడ్డికి ఐటి దాడుల రుచి చూపిస్తున్న కేంద్ర ప్రభుత్వం జగన్ కూ హెచ్చరికలాంటిది అందించినట్లుగా భావిస్తున్నారు. కాంగ్రెసు అధ్యక్షురాలు సోనియా గాంధీ కాంగ్రెసు సీనియర్ నేత వి. హనుమంతరావుకు ఆ హామీ కూడా ఇచ్చారట.

గాలి జనార్దన్ రెడ్డిపై మాదిరిగానే జగన్ ఆస్తులపై కూడా ఐటి దాడులు చేయించాలని కాంగ్రెసు సీనియర్ నేతలు కె. కేశవరావు, వి. హనుమంతరావు తదితర సీనియర్ కాంగ్రెసు నేతలు సోనియా గాంధీని కలిసి కోరారని వినికిడి. ఈ విషయంపై ఆలోచిస్తానని సోనియా వారితో అన్నారని తెలుస్తోంది. గాలి జనార్దన్ రెడ్డికి సంబంధించిన ఆస్తులపై బెంగళూర్, బళ్లారి, హైదరాబాద్ తదితర ప్రాంతాల్లో పెద్ద యెత్తున సోమవారం ఐటి దాడులు జరిగాయి. ఇది జగన్ వర్గానికి పెద్ద షాక్ అంటున్నారు. కొద్ది రోజుల్లో వైయస్ జగన్ కు అదే పరిస్థితి ఎదురవుతుందని గిట్టనివారు వ్యాఖ్యానిస్తున్నారు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X