బాలయ్య నటన, లక్ష్మీపార్వతి మహానటన

"అమ్మా" అంటూ వచ్చిన బాలకృష్ణను అక్కున చేర్చుకుని నిజమైన తల్లిలాగే మురిసిపోయినట్టు లక్ష్మీ పార్వతి కన్పించారు. దానితో అన్ని టీవీ చానల్స్ ఆమెతో ప్రోగ్రాములు ఫిక్స్ చేసుకుని రేటింగ్స్ పెంచుకునే ప్రయత్నం చేశాయి. పబ్లిసిటీ అంటే లక్ష్మీ పార్వతికి పండగే. అయితే ఆమె ఆస్ధుల విషయంలో ఈసారి జాగ్రత్త పడుతున్నట్టు విశ్వసనీయంగా తెలిసింది. ఇప్పుడు లక్ష్మీ పార్వతి ఉంటున్న ఇల్లు ఎన్టీఆర్ కుమార్తె (భువనేశ్వరి, పురందేశ్వరి కాదు)కు చెందినది. పక్కనే ఉన్న ఎన్టీఆర్ మ్యూజియం మాత్రం ఎన్టీఆర్, లక్ష్మీపార్వతిల పేరు మీద ఉంది. లక్ష్మీపార్వతిని ఇప్పుడున్న ఇంటి నుంచి ఖాళీ చేయించడానికే కుటుంబ పెద్ద అయిన హరికృష్ణ తమ్ముడిని రాయబారానికి పంపినట్టు సమాచారం.

లక్ష్మీపార్వతి స్వతహాగా బోళా మనిషి. ఎన్టీఆర్ ముఖ్యమంత్రిగా ఉన్న సమయంలో ఆమె ద్వారా కోట్లు కొట్టేసిన వారు చాలా మంది ఉన్నారు. అన్ని మోసాలను చవి చూసిన ఆమె ఇప్పుడు ఆస్ధుల విషయంలో చాలా జాగ్రత్తగా ఉంటున్నారు. నందమూరి అందగాళ్ళ మోసానికి బలికావద్దని ల.పాకి ( లక్ష్మీ పార్వతికి) ఆమె శ్రేయోభిలాషులు సలహా ఇచ్చినట్టు తెలుస్తోంది. బసవరామతారకం క్యాన్సర్ ఆస్పత్రి ఒక ట్రస్టు కింద ఉన్నప్పటికీ చాలా పెద్ద ఆస్ధి. ఆ ట్రస్టుకు ఎన్టీఆర్ భార్యగా లక్ష్మీపార్వతికి చెందుతున్నది. దీనిని బాలకృష్ణ కోర్టులో సవాలు చేశారు. మా నాన్నగారు లక్ష్మీపార్వతిని ఉంచుకున్నారే గానీ పెళ్ళి చేసుకోలేదన్న విధంగా కోర్టులో వాదనలు జరిగాయి. కానీ లక్ష్మీపార్వతికి అనుకూలంగా కేసు మలుపు తిరగడంతో బాలకృష్ణ ఆమెను కలుసుకుని నోరారా "అమ్మా" అంటూ సినిమా ఫక్కీలో పలకరించారు. బాలయ్య ఆమెను కలిసిన వార్తను లక్ష్మీ పార్వతి బాగా ఉపయోగించుకున్నారు. బాలకృష్ణ మాత్రం ప్రచారానికి దూరంగా ఉండిపోయారు. ఎందుకు? మరిన్ని వివరాలు రేపు....