సామాజిక సేవ మరువని హీరో పవన్ కల్యాణ్

తన అన్న చిరంజీవి రాజకీయాల్లోకి వచ్చి అన్ని విధాలుగా దిగజారిపోయారన్న ఆవేదన పవన్ కల్యాణ్ కు ఉంది. ఎన్నికల ముందు ఎంతో యాక్టివ్ గా ఉన్న ఆయన తర్వాత బాగా తగ్గిపోయి కేవలం సినిమాల మీదనే దృష్టి పెడుతున్నారు. అన్న దారి తప్పాడన్న ఆవేదన ఆయనలో కనిపిస్తోంది. అయితే అన్నలో దైవాన్ని చూసుకునే ఆ తమ్ముడు ఏం మాట్లాడుతాడు?

అంత పెద్ద హీరో అయినా పవన్ కల్యాణ్ ఒక సినిమాలో ఒక చిన్న పాత్రకు అంగీకరించి చేస్తున్నాడు. ఎందుకోసమో తెలుసా? చిన్నపిల్లల కోసం. పవన్‌కల్యాణ్‌ ప్రధాన పాత్రధారిగా ఆదిత్య ప్రొడక్షన్స్‌ సంస్థ ఓ చిత్రాన్ని నిర్మిస్తోంది. ఏసుక్రీస్తు జీవితం ఆధారంగా బాల నటులతో రూపొందే చిత్రమిది. ఈ నెల 15 నుంచి ఇజ్రాయెల్‌ లో చిత్రీకరణ ప్రారంభమవుతుంది. ఇందులో పవన్‌ పాత్ర ఏమిటన్న విషయాన్ని గోప్యంగా ఉంచారు. సింగీతం శ్రీనివాసరావు దర్శకుడు.

ఇంగ్లిష్‌తోపాటు తెలుగు, హిందీ, మలయాళ భాషల్లో ఈ చిత్రం తెరకెక్కుతుంది. నిర్మాత కొండా కృష్ణంరాజు మాట్లాడుతూ "ఇజ్రాయెల్‌లోని చారిత్రాత్మక ప్రదేశాల్లో చిత్రీకరణ ఉంటుంది. పవన్‌కల్యాణ్‌పై ముఖ్య సన్నివేశాల్ని తెరకెక్కిస్తాం. జెరూసలేంలోని మౌంట్‌ ఆఫ్‌ ఆలివ్స్‌ దగ్గర చిత్రీకరణ చేసే సందర్భంలో ఈ కథాంశం ఏమిటన్నది ప్రసార మాధ్యమాల ద్వారా వెల్లడిస్తామ"న్నారు. రచన: జె.కె.భారవి, ఛాయాగ్రహణం: శేఖర్‌ వి.జోసెఫ్‌.