'సెక్స్ స్వామి'కి కొత్త మిత్రుడు

సినీ నటి రంజితతో లైంగిక కార్యకలాపాలు నెరుపుతూ పట్టుబడిన స్వామి నిత్యానందకు కొత్త మిత్రుడు దొరికాడు. శ్రీరామ్ సేన చీఫ్ ప్రమోద్ ముతాలిక్ ఆదివారంనాడు రెండు గంటలపాటు గడిపాడు. ఆరోపణలు రుజువయ్యే వరకు నిత్యానందకు తన మద్దతు ఉంటుందని ముతాలిక్ కుండ బద్దలు కొట్టినట్లు చెప్పాడు. 58 రోజుల పాటు కటకటాల వెనక గడిపి బెయిల్ పై బయటకు వచ్చిన నిత్యానంద తన బిదాడి ఆశ్రమంలో పంచ తపస్ యోగా చేస్తున్నాడు.

మన రాజ్యాంగం ప్రకారం మంచి కోసం ఎవరైనా ప్రార్థనలు చేయవచ్చునని, కోర్టు నిర్ణయాన్ని తాము వ్యతిరేకిస్తున్నామని ముతాలిక్ నిత్యానందకు షరతులతో కూడిన బెయిల్ ఇవ్వడంపై అన్నారు. నిత్యానంద అమాయకుడని ఆయన నమ్ముతున్నారట. అత్యాచారానికి గురైన బాధితురాలు మాత్రమే ఫిర్యాదు చేయాలట. ఎవరు కూడా ఫిర్యాదు చేయనప్పుడు నిత్యానందపై ఎలా చర్యలు తీసుకుంటారని ఆయన తెగేసి ప్రశ్నిస్తున్నారు.