లక్ష్మి ప్రణతి స్పెషల్ వెడ్డింగ్ శారీ

ప్రముఖ సినీ నటుడు జూనియర్ ఎన్టీఆర్ కు కాబోయే శ్రీమతి లక్ష్మీ ప్రణతి కోసం వెరీ వెరీ స్పెషల్ పెళ్లి చీర తయారైంది. ఆ పట్టు చీర కట్టాలంటే ప్రత్యేకంగా పుట్టి పెరగాలంటున్నారు. ధర్మవరం చేనేత కార్మికులు దాన్ని ప్రత్యేకంగా నేశారు. అది వనరత్న స్వర్ణ మయూర పట్టుచీర. ఈ పట్టుచీర మరోటి లేదు. మార్కెట్లో కూడా దొరకదు. అది కావాలంటే కొంత కాలం ఆగాల్సిందే. ఆ చీర నేయడానికి ధర్మవరం కార్మికులకు 40 రోజులు పట్టింది. ఆ పట్టుచీర మిలమిలా మెరిసిపోతుంది. ఆ చీరకు ప్రత్యేకంగా డిజైన్ చేసి నేశారు. బంగారం కలిసిన పుత్తడి చీర అది. జూనియర్ ఎన్టీర్ స్వయంగా ఆ చీరను తన అభిరుచికి అనుగుణంగా నేయించినట్లు చెబుతున్నారు. దాని ధర ఎంతో మరి.

లక్ష్మిప్రణతితో జూనియర్ ఎన్టీఆర్ నిశ్చితార్థం జరిగిన విషయం తెలిసిందే. తనకు అత్యంత సన్నిహిత బంధువు అయిన నార్నే కూతురు ప్రణతిని జూనియర్ ఎన్టీఆర్ కిచ్చి పెళ్లి చేయడంలో తెలుగుదేశం పార్టీ అధ్యక్షుడు నారా చంద్రబాబు నాయుడు పాత్ర ఉంది. తద్వారా జూనియర్ ఎన్టీఆర్ ను మరింత దగ్గర చేసుకుని రాజకీయాలకు వాడుకోవాలనేది ఆయన ఆలోచనగా చెబుతారు.