చిరంజీవి 'గీతార్ధసారం'

ప్రజారాజ్యం పార్టీలో ఎమ్మెల్యే వంగా గీత రాజ్యం మొదలైందా? మంచి మాటకారి, సబ్జెక్ట్ మాలెడ్జి, మంచి బాడీ లాంగ్వేజ్ ఉన్న వంగా గీతకు చిరంజీవి ఎనలేని ప్రాధాన్యం ఇస్తున్నట్టు కన్పిస్తోంది. తూగో జిల్లాకు చెందిన గీత గతంలో తెలుగుదేశం పార్టీలో అంచెలంచెలుగా ఎదిగి రాజ్యసభ సభ్యత్వం వరకు వెళ్ళారు. తెలుగుమహిళ అధ్యక్షురాలిగా కూడా ఆమె పనిచేశారు. అయితే ఆమె ఎదుగుదల ఇష్టం లేని టిడీపి నాయకులు ఆమెకు కత్తెర వేయడంతో చంద్రబాబు నాయుడు దూరంగా పెట్టారు. గత్యంతరం లేని స్ధితిలో ఆమె ప్రజారాజ్యం పార్టీలో చేరి అతి కష్టంపై ఎమ్మెల్యేగా ఎన్నికయ్యారు.

ఇప్పుడు చిరంజీవి పోలవరం టూర్ లో ఆమెదే కీలకపాత్ర. అనేక మంది పురుష ఎమ్మెల్యేలు ఆ పార్టీలో ఉన్నా గీతకే అధిక ప్రాధాన్యం లభించడంపై కోస్తాలోని ప్రజారాజ్యం కార్యకర్తలు, చిన్న నాయకులు ఆశ్చర్యపోతున్నారు. గీత చిరంజీవి సామాజిక వర్గానికి చెందినవారు. స్పష్టంగా మాట్లాడడం ఆమె ప్లస్ పాయింట్. ప్రజారాజ్యంలో ఆమె చిరంజీవి తర్వాతి స్ధానం ఆక్రమించినా ఆశ్చర్యం లేదంటున్నారు కోస్తా పరిశీలకులు.