సినిమాగా వంగవీటి మోహన రంగా కథ?

పరిటాల రవి జీవిత కథ సినిమాగా రూపొందుతున్న విషయం తెలిసిందే. పరిటాల కంటే వంగవీటి రంగాది మరింత సినిమాటిక్ జీవిత కథ. మరి రంగా చరిత్ర సినిమాగా ఇంతకాలం ఎండుకు రాలేదు? అందుకు సామాజిక వర్గాలకు సంబంధించిన అనేక చిక్కుముడులు ఉన్నాయి. కమ్మ- కాపు లీడర్ల మధ్య, గ్రూపుల మధ్య విజయవాడ చరిత్ర నడిచింది. మధ్యలో కమ్యూనిస్టుల పాత్ర కొంత ఉంటుంది.

కాపు, ఇతర అణగారిన వర్గాల గ్యాంగ్ లీడర్ అయిన రంగా కమ్మ కులానికి చెందిన రత్నకుమారిని ప్రేమించి పెళ్ళి చేసుకోవడం, గ్యాంగ్ వార్ లో మరణించిన అన్న పేరు కొడ్డుక్కి పెట్టుకోవడం, కమిషనర్ గా వచ్చిన కెఎస్ వ్యాస్ రంగాను తిప్పలు పెట్టడం, ఆ తర్వాత నిరాహారదీక్షా శిబిరంలోనే హత్యకు గురికావడం, పర్యవసానంగా కింది వర్గాల ప్రజల ఒక భూస్వామ్య కులంపై దాడు చేయడం ఎంతో ఉత్కంఠ భరితమైన అంశాలు రంగా కథలో ఉన్నాయి. 'వెన్నెల', 'ప్రస్ధానం' దర్శకుడు దేవా కట్టా ఈ సినిమా తీయడానికి పని ప్రారంభించినట్టు సమాచారం. ఇటువంటి సినిమాలకు నిర్మాతలు దొరకడం కష్టమే. దొరికితే మాత్రం తమిళ యాక్షన్ సినిమాల రేంజ్ లో ఈ సినిమా హిట్ అయ్యే అవకాశాలున్నాయి.