త్వరలో జూనియర్ ఎన్టీఆర్ పెళ్ళి, మామ ఆయనేనా?

జూనియర్ ఎన్టీఆర్ కు పెళ్ళి ముహుర్తం దగ్గరికి వచ్చిందన్న వార్తలు తరచు వస్తున్నాయి. అది ప్రేమ పెళ్ళి అయితే కులంతో గానీ మతంతో గానీ ప్రాంతంతో కానీ సంబంధం ఉండేది కాదు. ప్రేమను ఎవరూ ప్రశ్నించలేరు. కానీ జూనియర్ ది పెద్దలు కుదిర్చిన లేదా కుదర్చబోతున్న సంబంధం కాబట్టి అతను ఏ కులం, ఏ ప్రాంతం అమ్మాయిని పెళ్ళి చేసుకోబోతున్నాడన్నది ఆసక్తికరంగా మారింది. జూనియర్ తల్లి కన్నడ బ్రాహ్మణ. తండ్రి తెలుగు కమ్మ. మరి అతను చేసుకోబుతున్న అమ్మాయి కన్నడ బ్రాహ్మణా? తెలుగు కమ్మా? రెండూ కాకుండా మరొకరా? చెప్పుకోండి చూద్దాం...

జూనియర్ ఎన్టీఆర్ ఒక టీవీ చానల్ అధిపతి, రియల్ ఎస్టేట్ టైకూన్ కుమార్తెను పెళ్ళాడబోతున్నట్టు తెలుస్తోంది. ప్రస్తుతం మూఢాలు ఉన్నందువల్ల దీనిపై ఎక్కువ ఫోకస్ పెట్టకూడదని వియ్యంకులు నిర్ణయానికి వచ్చినట్టు తెలిసింది. "అదుర్స్" సినిమా పెద్ద హిట్ కావడం, మరో రెండు సినిమాల్లో జూనియర్ బిజీగా ఉండడంతో పెళ్ళి కొంతకాలానికి వాయిదా పడవచ్చు. కానీ మాటా మంచీ జరిగిపోయాయని చెబుతున్నారు. ఒంటరితనంతో బాధపడుతున్న జూనియర్ ఎన్టీఆర్ కు పెళ్ళి చేయాలని బాగా వెంటపడి కుటుంబ సభ్యులను ఒప్పించింది ఆయన తల్లిగారేనట.