సోనియాకు రోశయ్య తీరు నచ్చలేదా?

రోశయ్య పనితీరు సోనియా గాంధీకి నచ్చిందా? పదిహేనుకు పైగా రాష్ట్రాల్లో కాంగ్రెసు మిత్రపక్షాలు అధికారంలో ఉన్నప్పుడు ఆమెకు ఆంధ్రప్రదేశ్ మీదనే అంత ప్రేమ ఎందుకు ఉంటుంది? అయితే వైయస్ ఉన్నప్పుడు ఆమె ఎపి గురించి పెద్దగా పట్టించుకోలేదు. వైయస్ ఆడింది ఆట, పాడింది పాటగా వ్యవహారం సాగింది. ఇప్పుడు అలా కాదు. ఈ వృద్ధ రోశయ్యతో ఆమెకు మాటా మంతీ కుదరడం లేదని తెలుస్తోంది. అలాగని ముఖ్యమంత్రిని మార్చే ఉద్దేశం కూడా ఆమెకు గానీ హైకమాండ్ లోని ఇతర సభ్యులకు గానీ లేదు.

అయితే వాళ్ళ బెంగ అంతా నాలుగేళ్ళ తర్వాత జరగబోయే ఎన్నికల మీదనే. రోశయ్య ఇలాగే నిర్ణయాలు వేగంగా తీసుకోకుండా గడిపేస్తే నాలుగేళ్ళ తర్వాత చంద్రబాబు నాయుడు రాష్ట్రాన్ని ఎగరేసుకుపోతారన్న భయాందోళనలు కాంగ్రెసు వాదుల్లో ఉన్నాయి. ఎలక్షన్ల విషయమే కాదు కలెక్షన్ల విషయంలోనూ రోశయ్య నాయకత్వంలోని కాంగ్రెసు ప్రభుత్వం అంతంతమాత్రంగా ఉండడం ఆందోళన కలిగించే విషయం.