రాజీనామాపై కెసీఆర్ నిర్ణయమేమిటి?

కెసిఆర్, విజయశాంతిల మధ్య ఎన్ని విభేదాలున్నా రాజీనామాల విషయంలో ఇద్దరిదీ ఒకే బాట, ఒకే మాటగా ఉన్నట్టు కన్పిస్తోంది. ఈ ఇద్దరు టిఆర్ ఎస్ ఎంపీలు రాజీనామాలను ఆమోదింపజేసుకునే విషయంలో ఆచితూచి వ్యవహరిస్తున్నారు. గట్టిగా పట్టుబట్టి, సరైన ఫార్మాట్ లో రాజీనామాలు సమర్పిస్తే అవి ఆమోదం పొందడానికి గంటకూడా పట్టదు? మరి కెసి ఆర్ ఎందుకలా చేయడం లేదు. ఎంపీగా ఉంటూనే ఢిల్లీలో వివిధ పార్టీల మద్దతును కూడగట్టదలుచుకున్నారా? విజయశాంతి మాత్రం ఈ విషయంలో ఆయన ఎంత చెబితే అంత అన్న ధోరణిలో ఉన్నారు.

తమ పార్టీకి చెందిన ఇద్దరు ఎంపీల రాజీనామాల ఆమోదం వ్యవహారంపై పార్టీ శ్రేణుల్లోనూ చర్చ జరుగుతోంది. ఇప్పటికే జాక్‌ నిర్ణయం మేరకు రాజీనామాలు ఆమోదించుకున్న పదిమంది ఎమ్మె ల్యేల త్యాగాలు వృధాగా మారుతాయేమోనన్న ఆందోళన వ్యక్తమవుతోంది. మరో నాలుగేళ్లపాటు ఉన్న పదవీకాలాన్ని కూడా తెలంగాణ కోసం త్యాగం చేసిన వారిని, ఇద్దరు ఎంపీలు రాజీనామాలు చే సి గౌరవించకపోతే..ఆ పది మంది నుంచి కూడా తీవ్ర వ్యతిరేకత వ్యక్తమయ్యే ప్రమాదం లేకపోలేదం టున్నారు. ఈ నేపథ్యంలో కేసీఆర్‌ తీసుకునే నిర్ణయంపైనే అందరూ ఆసక్తిగా ఎదురు చూస్తున్నారు.