వైయస్ జగన్‌కు ఆళ్ల నాని షాక్

By Pratap

Published: Tuesday, October 25, 2011, 7:56 [IST]

కాంగ్రెసు శాసనసభ్యుల తీరు కప్పల తక్కెడ లాగా తయారైంది. వైయస్సార్ కాంగ్రెసు పార్టీ అధ్యక్షుడు వైయస్ జగన్ వెంట వెళ్తున్న చాలా మంది శాసనసభ్యులు రెండు పడవల మీద ప్రయాణం చేస్తున్నారు. ఇటు జగన్ వైపు ఉంటూనే కాంగ్రెసు పార్టీతోనూ భుజం కలిపి నడుస్తున్నారు. తాజాగా శాసనసభ్యుడు ఆళ్ల నాని వైయస్ జగన్‌కు షాక్ ఇచ్చారు. ఆయన జగన్‌కు దూరమైనట్లేనని భావిస్తున్నారు. ముఖ్యమంత్రి కిరణ్ కుమార్ రెడ్డి పశ్చిమ గోదావరి జిల్లా పర్యటనలో ఆయన మనసు మారిందని అంటున్నారు. నానితో కిరణ్ కుమార్ రెడ్డి ప్రత్యేకంగా చర్చలు జరిపారు.

కాగా, టిటిడి చైర్మన్ కనుమూరి బాపిరాజు సన్మాన సభకు నాని అధ్యక్షత వహించారు. ఆళ్ల నాని వ్యవహారాన్ని గుర్తించిన జగన్ చర్చల కోసం తమ పార్టీ తరఫున మధ్యవర్తులను పంపించారు. వాసిరెడ్డి పద్మను, స్థానిక శాసనసభ్యులను జగన్ ఆళ్ల నాని వద్దకు పంపించి తన వైపు తిరిగి తిప్పుకునే ప్రయత్నం చేశారు. కానీ నాని తిరిగి వెనక్కి రావడానికి ఇష్టపడలేదట.

Published On October 25, 2011