కిరణ్‌పై రాహుల్ చెవిన వేసిన అజర్

By Pratap

Published: Monday, September 12, 2011, 9:09 [IST]

కిరణ్ కుమార్ రెడ్డి ముఖ్యమంత్రి కావడం వెనక పార్లమెంటు సభ్యుడు, మాజీ క్రికెటర్ మొహ్మద్ అజరుద్దీన్ చేయూత ఉందట. హైదరాబాదు నిజాం కళాశాలలో చదువుతున్న సమయంలో కిరణ్ కుమార్ రెడ్డి కెప్టెన్సీ కింద ఆజర్ క్రికెట్ ఆడేవాడు. అప్పటి నుంచి ఇద్దరి మధ్య మంచి స్నేహం ఉంది. దాంతో కిరణ్ కుమార్ రెడ్డిని ముఖ్యమంత్రిని చేస్తే బాగుంటుందని అజర్ రాహుల్ గాంధీ చెవిన ఓ మాట పడేశారట. దాంతో పాటు కేంద్ర మంత్రి పళ్లం రాజు కూడా కిరణ్ కుమార్ రెడ్డిని కాంగ్రెసు అధ్యక్షురాలు సోనియా గాంధీ వద్దకు తీసుకుని వెళ్లారని చెబుతారు.

ముఖ్యమంత్రి పదవి దానంతటదే తనను వరించిందని, కలిసి రావడం అంటే ఇదేనని కిరణ్ కుమార్ రెడ్డి పదే పదే చెబుకుంటారు. అయితే, కె. రోశయ్య ముఖ్యమంత్రిగా ఉన్న సమయంలో శాసనసభ స్పీకర్‌గా ఉన్న కిరణ్ కుమార్ రెడ్డి ఢిల్లీకి పదే పదే చక్కర్లు కొట్టారు. ఆ సమయంలో ముఖ్యమంత్రి పదవి కోసం పలు వైపుల నుంచి ఆయన పేరు చెప్పించుకున్నట్లు సమాచారం.

Published On September 12, 2011