చిరు గుస్సా వెనుక అసలు కారణం?

By Srinivas

Published: Sunday, December 4, 2011, 9:59 [IST]

రాష్ట్రంలో కాంగ్రెసు ప్రభుత్వం పడిపోకుండా కాపాడుతున్నది తానేనని, ప్రభుత్వానికి ఎప్పుడు ఆపద వచ్చినా తాను ఆదుకుంటానని చెప్పిన చిరంజీవి అవిశ్వాస తీర్మానానికి ముందు మాత్రం మొండికేసిన విషయం తెలిసిందే. తన వర్గం ఎమ్మెల్యేలను నిర్లక్ష్యం చేస్తున్నారని తమకు ప్రాధాన్యత ఇవ్వాలని ఆయన డిమాండ్ చేసిన విషయం తెలిసిందే. అయితే అవిశ్వాసానికి ముందు ఆయనకు ఇంత ఆగ్రహం రావడానికి ఎమ్మెల్యేలను నిర్లక్ష్యం చేయడం ఒక్కటే కాదని 'సాక్షి' రాసింది. ఇటీవల రామ్ చరణ్ తేజ నిశ్చితార్థానికి చిరు కాంగ్రెసు పెద్దలను ఆహ్వానించారు. కానీ వారు రాలేదు.

వారు వేడుకలకు రాకుండా సిఎం కిరణ్ కుమార్ రెడ్డి అడ్డుకున్నారనే ఉద్దేశ్యంతోనే చిరంజీవి ఇప్పటికిప్పుడు మొండికేశారట. అంతేకాదు గతంలో అల్లు అర్జున్ పెళ్లికి కాంగ్రెసు పెద్దలను ఆహ్వానించినా రాలేదు. దీంతో తమ కుటుంబ శుభకార్యాలకు కాంగ్రెసు పెద్దలు ఎవరూ రాకుండా సిఎం అడ్డుపడుతున్నారనే ఆగ్రహంతోనే చిరంజీవి అవిశ్వాసానికి ముందు ఇలా చేశారట. అంతేకాదు చిరు, పిసిసి చీఫ్ బొత్స సత్యనారాయణలు అంటకాగుతుండటం కూడా కిరణ్‌కు కూడా నచ్చడం లేదట.

Published On December 4, 2011