జూ ఎన్టీఆర్‌కు విరుగుడు భువనేశ్వరి

రాజకీయాల్లో స్వర్గీయ ఎన్టీ రామారావు వారసత్వాన్ని చేజిక్కించుకోవాలని ప్రయత్నిస్తున్న జూనియర్ ఎన్టీఆర్‌కు తెలుగుదేశం పార్టీ అధ్యక్షుడు నారా చంద్రబాబు నాయుడు విరుగుడు కనిపెట్టినట్లే కనిపిస్తున్నారు. ఎన్టీ రామరావు కూతురు, తన సతీమణి భువనేశ్వరిని రంగంలోకి దించడం ద్వారా జూనియర్ ఎన్టీఆర్ ఆశలపై నీళ్లు చల్లే ప్రయత్నం చేస్తున్నట్లు ఆర్థమవుతోంది. అన్నా హజారేకు మద్దతుగా జరిగే కార్యక్రమాల్లో భువనేశ్వరి పాల్గొంటారనే వార్తలు వస్తున్నాయి.

భువనేశ్వరి వెంట చంద్రబాబు తనయుడు నారా లోకేష్ కూడా ప్రజల ముందుకు వచ్చే అవకాశాలున్నాయి. తద్వారా నారా లోకేష్‌ను తల్లి చాటున రాజకీయాల్లోకి తేవాలని చంద్రబాబు ప్రయత్నిస్తున్నట్లు చెబుతున్నారు. భువనేశ్వరిని వ్యతిరేకించడం జూనియర్ ఎన్టీఆర్ తండ్రి నందమూరి హరికృష్ణకు కష్టమే అవుతుంది. తన సోదరిని వ్యతిరేకించడానికి ఆయన వెనుకాడుతారు. దీన్ని ఆసరాగా తీసుకుని తెలుగుదేశం రాజకీయాలపై నారా లోకేష్‌కు పగ్గాలు అప్పగించడానికి చంద్రబాబు వ్యూహం పన్నినట్లు తెలుస్తోంది.

English summary

TDP president N Chandrababu Naidu is implementing his strategy to obstruct Jr Ntr.