బాబు లోకల్ కాదు, నేషనల్..

By Pratap

Published: Thursday, October 13, 2011, 10:26 [IST]

ఇవ్వాళ్ల రేపు తెలుగుదేశం పార్టీ అధ్యక్షుడు నారా చంద్రబాబు నాయుడు లోకల్ లెవెల్ అనిపించుకోవడానికి ఇష్టపడడం లేదట. నేషనల్ లెవెల్ అనిపించుకోవడానికి ఆయన తెగ ఆరాపటపడి పోతున్నారంటూ కొంత మంది గిట్టనివాళ్లు ఆడిపోసుకుంటున్నారు. ఆయన ఇటీవల హర్యానాలోని హిస్సార్‌లో చౌతాలా తరఫున ప్రచారం చేయడానికి ఆఘమేఘాల మీద వెళ్లిపోయారు. కానీ, రాష్ట్ర పరిస్థితులపై మాత్రం మాట్లాడడం లేదు. తెలంగాణ సకల జనుల సమ్మె ప్రారంభమై నెల దాటిపోయింది. దానివల్ల తెలంగాణ మాత్రమే కాకుండా యావత్తు రాష్ట్రం కుతకుత ఉడికిపోతోంది. అయినా చంద్రబాబు పట్టించుకోవడం లేదు.

తెలంగాణ సకల జనుల సమ్మె విషయంలో ఆయన నోరు విప్పడం లేదు. రాష్ట్ర పరిస్థితికి కాంగ్రెసుపై దుమ్మెత్తిపోస్తున్నారే తప్ప ప్రతిపక్ష నాయకుడిగా సకల జనుల సమ్మెకు పరిష్కారం చూపిస్తానని అనడం లేదు. తాను అధికారంలో ఉంటే దాన్ని ఎలా పరిష్కరించాలో తన రాజకీయానుభవాన్ని, పాలనానుభవాన్ని అందించి తన సత్తాను చాటడానికి ప్రయత్నించడం లేదు.

Published On October 13, 2011