చిరంజీవి డ్యాన్స్ ప్రాక్టీస్

కాంగ్రెసు పార్టీ నుంచి వెళ్లిపోయి వైయస్ జగన్ ముప్పు తిప్పలు పడుతూ మూడు చెరువుల నీళ్లు తాగుతుంటే చిరంజీవి మాత్రం ఏమి హాయి లే హళా అనుకుంటూ తన 150వ చిత్రం కోసం అన్ని ఏర్పాట్లు చేసుకుంటున్నట్లున్నారు. తమ కుమారుడు రామ్ చరణ్ తేజ నిర్మిస్తున్న 150 చిత్రంలో నటించి తీరాలని చిరంజీవి శపథం చేశాడట. కండలు పెంచడం, జిమ్ చేయడం వంటివి ఈ లేటు వయసులో సరిపడదని చిరంజీవి భావించి డ్యాన్స్ ప్రాక్టీస్‌కు మాత్రమే పరిమితమయ్యారట.

ప్రతి సాయంత్రమూ గంట పాటు చిరంజీవి డ్యాన్స్ ప్రాక్టీస్ చేస్తున్నాడని, చిరంజీవి స్టెప్పులు చేసి తనయుడు చెర్రీ మురిసిపోతున్నాడని సినీ వర్గాలంటున్నాయి. ఫైట్లకే కాదు, చిరంజీవి డ్యాన్స్‌లకు కూడా కుర్రకారు హోరెత్తిపోయిన విషయం ఇంకా మరుగున పడిపోలేదు. అందువల్ల చిరంజీవి 150వ చిత్రంలో నటించడానికి ఇదే సరైన సమయమని అంటున్నారు.

English summary

It is said that Chiranjeevi is practicing dance every day for one hour for his 150th film.