రాగిణి ఎంఎంఎస్‌పై దీపికా గొడవ

By Pratap

Published: Tuesday, May 29, 2012, 11:50 [IST]

రాగిణి ఎంఎంఎస్ సినిమా మరో వివాదంలో చిక్కుకుంది. ఈ సినిమాపై బాలీవుడ్ అందాల భామ దీపికా పడుకొనే మండిపడుతోంది. తన జీవితం ఆధారంగానే ఈ సినిమా తీశారని, ఆ సినిమాను తనకు చూపించాలని ఆమె పట్టుబడుతోంది. ఈ సినిమాలో సెక్స్ పాలు ఎక్కువగా ఉందనే విమర్శలు వస్తున్న విషయం తెలిసిందే. దీపికా గొడవను మాత్రం ఏక్తా కపూర్ తప్పు పడుతోంది. సినిమా కల్పితమేనని, 30 శాతం మాత్రమే నిజ జీవితం ఆధారంగా తీశామని అంటోంది.

ఓం శాంతి ఓంతో బాలీవుడ్ ఎంట్రీతోనే అదరగొట్టిన దీపికా పడుకొనే బాలీవుడ్‌లో స్టార్‌డమ్‌ను సంపాదించుకుంది. ఆమె ప్రేమాయణాలు కూడా కథలు కథలుగా ఎప్పుడూ వినిపిస్తూనే ఉంటాయి. ప్రేమ వ్యవహారాలతో ఆమె అందరి నోళ్లలో నానడం అతి సాధారణ విషయంగా మారింది. ఇటీవల విజయ్ మాల్యా కుమారుడు సిద్ధార్థ మాల్యాను బహిరంగంగా ముద్దాడి సంచలనం కూడా సృష్టించింది.

Published On May 29, 2012