మహంకాళి షూటింగ్ చూసిన గాలి

By Pratap

Published: Saturday, September 24, 2011, 9:09 [IST]

హైదరాబాదులోని చంచల్‌గుడా జైలులో రిమాండ్ ఖైదీగా ఉన్న గాలి జనార్దన్ రెడ్డికి శుక్రవారం కాస్తా ఊరట లభించింది. రాజశేఖర్ హీరోగా నటిస్తున్న మహంకాళి సినిమా షూటింగును ఆయన వీక్షించారు. గురు, శుక్రవారాల్లో చంచల్‌గుడా జైలులో మహంకాళి సినిమా షూటింగ్ జరిగింది. రాజశేఖర్, జీవిత దీని కోసం జైలుకు వచ్చారు. శుక్రవారంనాడు కొద్ది సేపు గాలి జనార్దన్ రెడ్డి షూటింగు చూసినట్లు సమాచారం. వారితో కాసేపు ఆయన ముచ్చట్లు పెట్టినట్లు చెబుతున్నారు.

కాగా, గాలి జనార్దన్ రెడ్డి జైలులో యాగాలకు జైలు అధికారులను కోరినట్లు తెలుస్తోంది. ఆయన జైలు ఆవరణలో పూజలు కూడా చేస్తున్నారు. ఓ యాగం నిర్వహణకు గాలి జనార్దన్ రెడ్డిని కలుసుకోవడం ఓ స్వామీజీ ఆ మధ్య జైలుకు వచ్చినట్లు ప్రచారం జరిగింది. అయితే, ఆ స్వామీజీ ఎవరనేది మాత్రం తెలియలేదు.

Published On September 24, 2011