చంద్రబాబుపై గాలి అలక

By Pratap

Published: Saturday, July 2, 2011, 10:29 [IST]

ఈ మధ్య కాలంలో గాలి హవా కనిపించడం లేదు. హైదరాబాదులో ఆయన వారంలో రెండు, మూడు సార్లు మీడియా సమావేశాలు ఏర్పాటు చేసి అధికార కాంగ్రెసు పార్టీని, వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని మైకంతా నోరు చేసుకుని ఉతికి ఆరేసేవారు. ఆయన నోరు ఇటీవలి కాలంలో మూగబోయింది. పార్టీ అధ్యక్షుడు నారా చంద్రబాబు నాయుడి చిత్తూరు జిల్లా కుప్పం నియోజకవర్గం పర్యనటలో ఆయన జాడ కనిపించలేదు.

చంద్రబాబుపై అలిగిన ముద్దుకృష్ణమ నాయుడు తెర వెనక్కి వెళ్లిపోయినట్లు ప్రచారం జరుగుతోంది. చంద్రబాబు వ్యవహారశైలి పట్ల ఆయన తీవ్ర అసంతృప్తితో ఉన్నట్లు తెలుస్తోంది. ఆ మధ్య కాలంలో చంద్రబాబు చిత్తూరు జిల్లా పార్టీ సమీక్షా సమావేశం నిర్వహించారు. ఈ సమావేశంలో గాలి ముద్దుకృష్ణమ నాయుడిని చంద్రబాబు పట్టించుకోలేదని వార్తలు వచ్చాయి. చంద్రబాబుపై అలిగిన ఆయన మీడియాతో కూడా మాట్లాడకుండా వెళ్లిపోయారు. ఇదంతా చూస్తుంటే గాలి ముద్దుకృష్ణమ నాయుడు చంద్రబాబుకు షాక్ ఇవ్వబోతున్నారా అనేది ఇప్పుడు చర్చనీయాంశంగా మారింది.

Published On July 2, 2011