జైల్లో గాలి దుర్గాష్టమి పూజలు

By Pratap

Published: Wednesday, October 5, 2011, 9:24 [IST]

గతమెంతో ఘనకీర్తి గల కర్ణాటక మాజీ మంత్రి గాలి జనార్దన్ రెడ్డి హైదరాబాదులోని చంచల్‌గుడా జైలులో దుర్గాష్టమి పూజలు నిర్వహించారు. ఇంతకు ముందు ఆయన దసరా వేడుకలను అంగ రంగవైభవంగా నిర్వహించుకునేవారు. ఆధునిక రాజవైభోగాన్ని ప్రదర్శించేవారు. అక్రమ గనుల తవ్వకంలో అరెస్టయిన ఆయన జైలులో పూజలతో సరిపెట్టుకోవాల్సి వచ్చింది. ఎవరికి ఎవరు ఈ లోకంలో అంటూ వైరాగ్య గీతం పాడుకోవాల్సి వస్తోంది.

ఆయనతో పాటు ఆయన బావమరిది శ్రీవివాస రెడ్డి కూడా దుర్గాష్టమి పూజల్లో పాల్గొన్నట్లు తెలుస్తోంది. గాలి జనార్దన్ రెడ్డి, శ్రీనివాస రెడ్డి జ్యుడిషియల్ కస్టడీని కోర్టు పొడగించిన విషయం తెలిసిందే. బెయిల్ కోసం వారు చేసుకుంటున్న దరఖాస్తులు కోర్టు తిరస్కరణలకు గురవుతుండడంతో ఏమీ చేయలేక జైలులోనే కాలం వెళ్లబుచ్చుతున్నారు.

Published On October 5, 2011