బాబుపై హరికృష్ణ తిరుగుబాటు?

తెలుగుదేశం పార్టీ అధ్యక్షుడు నారా చంద్రబాబు నాయుడిపై ఆయన బావమరిది, రాజ్యసభ సభ్యుడు నందమూరి హరికృష్ణ తిరుగుబాటును ప్రోత్సహిస్తున్నారనే అనుమానాలు వ్యక్తమవుతున్నాయి. తనకు పార్టీ తగిన స్థానం లభించడం లేదనే అసంతృప్తితో ఆయన ఉన్నట్లు తెలుస్తోంది. తనకు సన్నిహితులైనవారిని క్రమక్రమంగా పక్కకు తప్పించే ప్రయత్నాలు జరుగుతున్నాయని ఆయన బాధపడుతున్నట్లు చెబుతున్నారు. దీంతో తన వర్గం నేతలను ఆయన చంద్రబాబుపైకి ఎక్కుపెట్టినట్లు చెబుతున్నారు. ఇందులో భాగంగానే కొడాలి నాని, వల్లభనేని వంశీ పార్టీ కృష్ణా జిల్లా అధ్యక్షుడు దేవినేని ఉమా మహేశ్వరరాపుపై తిరుగుబాటుకు పూనుకున్నట్లు ప్రచారం జరుగుతోంది.

పార్టీపై తనకు పట్టులేకుండా చేసే పనికి చంద్రబాబు పావులు కదుపుతున్నట్లు హరికృష్ణ అనుమానిస్తున్నట్లు చెబుతున్నారు. వంశీ గానీ, కొడాలి నాని గానీ చంద్రబాబు కన్నా హరికృష్ణకు సన్నిహితులు. దీంతో తన వర్గంవారిని చంద్రబాబుపైకి పరోక్షంగా హరికృష్ణ ఉసిగొల్పుతున్నట్లు చెబుతున్నారు. దేవినేని ఉమా మహేశ్వర రావుపై వ్యతిరేకత ప్రదర్శిస్తూ చంద్రబాబుకు తలనొప్పిగా పరిణమించాలనే ఉద్దేశంతో వారున్నట్లు చెబుతున్నారు.

English summary

It is learnt that Rajyasabha member Nandamuri Harikrishna is not happy with TDP president Nara Chandrababu Naidu. It is said that with the dissatisfaction he is preparing his followers to fight against Chandrababu.