ఐ హేట్ బాలయ్య దుమారం

By Pratap

Published: Monday, February 28, 2011, 10:56 [IST]

హీరో బాలకృష్ణపై వెలిసిన ఓ వైబ్‌సైట్ తీవ్ర దుమారం రేపింది. బాలకృష్ణపై అసభ్య ప్రచారాన్ని ఆ వెబ్‌సైట్ ప్రారంభించింది. దీంతో సైబర్ క్రైం పోలీసులు రంగంలోకి దిగారు. సినీ నటుడు నందమూరి బాలకృష్ణపై అసభ్య ప్రచారం చేస్తున్న ఓ వెబ్‌సైట్‌ మూలాలు ఆస్ట్రేలియాలోని సిడ్నీలో ఉన్నట్లు వారు కనిపెట్టారు. ఐ హేట్ బాలయ్య డాట్‌ కామ్ వెబ్‌సైట్‌ తన వ్యక్తిగత ప్రతిష్ఠకు భంగం కలిగిస్తోందంటూ బాలకృష్ణ ఇచ్చిన ఫిర్యాదుపై పోలీసులు దర్యాప్తును చేపట్టారు. ఆ వెబ్‌సైట్‌ను సిడ్నీ నుంచి ఓ తెలుగు వ్యక్తి నిర్వహిస్తున్నట్లు గుర్తించారు. అలాగే 'బాబాయ్‌-అబ్బాయ్‌' పేరుతో సంక్షిప్త సందేశాలు పంపుతున్న వ్యక్తుల వివరాలనూ సేకరిస్తున్నారు. గూగుల్‌లోని 'గోడాడీ డాట్‌కాం' నుంచి 'ఐ హేట్‌ బాలయ్య' వెబ్‌సైట్‌ సమాచారం వస్తున్నట్లు గుర్తించామని డీసీపీ (నేరాలు) జె.సత్యనారాయణ తెలిపారు. సాంకేతిక అంశాలను మరోమారు పరిశీలించాక నిందితులపై చట్టపరమైన చర్యలు తీసుకుంటామన్నారు.

Published On February 28, 2011