కెసిఆర్‌పై వైయస్ జగన్‌కెంత ప్రేమో?

వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావుకు ఎంత ప్రేమనో అనుకోక తప్పేట్లు లేదు. జగన్‌తో కెసిఆర్ కుమ్మక్కయ్యారని తెలుగుదేశం పార్టీ తమ్ముళ్లు ఎంతగా మొత్తుకున్నా నమ్మే నాథులు ఉండకపోవచ్చు గానీ, వారి విమర్శలకు బలం చేకూర్చే పద్ధతి జగన్‌కు చెందిన సాక్షి దినపత్రికలో రోజూ కనిపిస్తోంది. సాక్షి దినపత్రికలో తెరాస నాయకులు జిల్లాల్లో చేపడుతున్న పాదయాత్రలపై జోరుగా వార్తలు వస్తున్నాయి. ఆ యాత్రల వార్తలను మామూలుగా ఇవ్వకుండా జోరుగా, హుషారుగా వంటివాటిని శీర్షికలకు తగిలిస్తున్నారు. తెలంగాణపై సాక్షికి అంత ప్రేమ ఏమిటబ్బా అనుకోవడం కన్నా కెసిఆర్‌పై ప్రేమనే వాటికి కారణమని చెప్పుకోవాల్సి ఉంటుందేమో.

మరో విషయం కూడా చర్చగా మారుతోంది. తెలంగాణలో తెలుగుదేశం పార్టీ అధ్యక్షుడు నారా చంద్రబాబు నాయుడి పర్యటనలను అడ్డుకోకపోవడం వెనక కెసిఆర్ దూరదృష్టి ఉందని అంటున్నారు. తెలంగాణ వైయస్ జగన్ పర్యటనలకు క్లియరెన్స్ ఇవ్వడానికి చంద్రబాబు పట్ల తెరాస నాయకులు ఉదారంగా ప్రవర్తించారనే మాట కూడా వినిపిస్తోంది. ఏమైనా, జగన్, కెసిఆర్ ఇద్దరు కూడా మూడో గూటి పక్షులేనా అనుకోవాల్సి వస్తోందని నమ్మితే అది నమ్మినవాళ్ల తప్పు కాదేమో.

English summary

It is said that YSR Congress party president YS Jagan is supporting TRS president K Chandrasekhar Rao.