రామ్‌దేవ్‌పై ఐటమ్ గర్ల్స్ గుర్రు

నల్లధనానికి వ్యతిరేకంగా యోగా గురు రామ్‌దేవ్ బాబా చేపట్టిన దీక్షపై ఐటమ్ గర్ల్స్ గుర్రుమంటున్నారు. తమను వ్యక్తిత్వం లేనివారిగా రామ్‌దేవ్ బాబా అభివర్ణించడాన్ని వారు మరిచిపోలేకపోతున్నారు. రాఖీ సావంత్ సహా అందరూ ఆయన దీక్షపై పెదవి విరుస్తున్నారు. రామ్‌దేవ్ రాజకీయాల్లోకి వస్తారనే విషయం తాను ముందే పసిగట్టానని, తమ వృత్తిపై చెత్తగా మాట్లాడిన విషయాన్ని తాను మరిచిపోలేనని సంభావనా సేథ్ అంటున్నారు. రామ్‌దేవ్ ఏది చేసినా ప్రచారం కోసమేనని సెలినా జైట్లీ విమర్శిస్తున్నారు.

రామ్‌దేవ్ బాబా యోగా నేర్పాలని, ఆయన ఓ సామ్రాజ్యాన్ని ఏర్పాటు చేసుకున్నారని, డబ్బులు సంపాదించారని, ఆ డబ్బులను పేదలకు ఎందుకివ్వరని పూనమ్ ఝవేర్ అంటున్నారు. రాఖీ సావంత్ కూడా రామ్‌దేవ్ బాబాపై మండిపడ్డారు. దీక్షల ద్వారా చట్టం మారదని ఆమె అన్నది. బాలీవుడ్ బాద్షా షారూఖ్ ఖాన్ కూడా రామ్‌దేవ్ బాబాను బలపరచడం లేదు. అన్నా హజారేకు మద్దతిచ్చిన వారు కొంత మంది బాబా రామ్‌దేవ్ అంటే ఇష్టపడడం లేదు.

English summary

Yoga guru Baba Ramdev may have impressed many by his resolve to fight corruption, but Bollywood’s item-girl brigade is unforgiving about the fact that he once called them ‘characterless’.