జూనియర్ ఎన్టీఆర్ తొందరపడ్డారా?

తెలుగుదేశం పార్టీ నాయకత్వం విషయంలో సినీ హీరో జూనియర్ ఎన్టీఆర్ తొందర పడ్డారనే మాట వినిపిస్తోంది. ఆ తొందరపాటుతోనే తండ్రి నందమూరి హరికృష్ణను చంద్రబాబుపైకి ఎగదోశారనే ప్రచారం జరుగుతోంది. తనకు అత్యంత సన్నిహితులై కొడాలి నానీ, వల్లభనేని వంశీ ద్వారా వంకర దారిలో చంద్రబాబుపై పోరుకు జూనియర్ ఎన్టీఆర్ పథక రచన చేశారని, అది ఫలితం ఇవ్వకపోవడంతో వెనక్కి తగ్గారని చెబుతున్నారు. నిజానికి, చంద్రబాబు అనుకున్నదే ఆయన చేసినట్లు కూడా భావిస్తున్నారు. తన కుమారుడు నారా లోకేష్‌కు పార్టీ పగ్గాలు అప్పజెప్పే పథక రచన సిద్ధమవుతోందనే విషయాన్ని చంద్రబాబే లీక్ చేశారని అంటున్నారు.

లోకేష్ వ్యవహారాన్ని లీక్ చేసిన చంద్రబాబు నందమూరి కుటుంబ సభ్యుల నాడిని పట్టుకునే ప్రయత్నం చేశారని వినికిడి. హరికృష్ణ, జూనియర్ ఎన్టీఆర్ రియాక్షన్ ఎలా ఉంటుందీ, నందమూరి బాలకృష్ణ ఎటు వైపు ఉంటారూ అనే విషయాలను గ్రహించడానికి చంద్రబాబు ప్రయత్నించారని చెబుతున్నారు. సరిగ్గా చంద్రబాబు ఏదైతే ఊహించారో అది జరిగిందని కూడా అంటున్నారు. జూనియర్ ఎన్టీఆర్ తొందరపాటు వల్లనే ఇదంతా జరిగిందనే మాట ఆయన సన్నిహితుల నుంచే వస్తోంది.

English summary

It is said that Jr Ntr followers in Telugudesam for the developments. They are unhappy with Jr Ntr reaction.