కెసిఆర్ తాజా అంచనా, సెంచరీ

దేశంలో రాజకీయ నాయకులు జైలు పాలవుతుంటే, తెలంగాణ రాష్ట్ర సమితి (తెరాస) అధ్యక్షుడు కె. చంద్రశేఖర రావు మాత్రం ఆశల పల్లకీలో ఊరేగుతున్నారు. ఇప్పటికిప్పుడు ఎన్నికలు వస్తే తనకు వచ్చే సీట్లపై సర్వే ఫలితాలు చూసుకుని మురిసిపోతున్నారట. మధ్యంతర ఎన్నికలు వస్తే ఫలితాలు ఎలా ఉంటాయి, ఉప ఎన్నికలు వస్తే ఎలా ఉంటాయి అనే విషయాలపై వైయస్సార్ కాంగ్రెసు పార్టీ అధ్యక్షుడు వైయస్ జగన్ ఓ సర్వే చేయించారట. ఆ సర్వే ఫలితాలు కెసిఆర్ చేతిలోకి వచ్చాయని అంటారు.

జగన్ చేయించిన సర్వే ఫలితాలు కెసిఆర్‌కు ఎలా అందాయని మాత్రం అడుగొద్దు. అలా అడిగితే విపరీతార్థాలు తీసినట్లవుతుంది. ఆ సర్వే ఫలితాల ప్రకారం తెలంగాణలో కెసిఆర్‌కు వంద శానససభ స్థానాలు వస్తాయట. లోకసభ సీట్లు కూడా 14 దాకా వస్తాయని సర్వే ఫలితాలు చెబుతున్నాయట. తెలంగాణలోని 19 లోకసభ స్థానాల్లో 14 సీట్లు గెలిస్తే కేంద్రంలో చక్రం తిప్పడం బ్రహ్మవిద్యేం కాదు. ఏమైనా, ఎన్నికల వచ్చేనాటికి పరిస్థితి ఏమవుతుందో చెప్పలేం కదా.

English summary

TRS president K Chandrasekhar Rao is in a jubilant mood, as survey results shows that his party will win 100 seats, if election will held at present.