జగన్‌ను కాపీ కొట్టిన కిరణ్ కుమార్ రెడ్డి

By Pratap

Published: Monday, October 3, 2011, 10:02 [IST]

ముఖ్యమంత్రి కిరణ్ కుమార్ రెడ్డి వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డిని కాపీ కొట్టారు. రైతులకు వైయస్ జగన్ ఇచ్చిన హామీని కిరణ్ కుమార్ రెడ్డి ఆదివారం బహిరంగ సభలో ప్రకటించారు. ఆ పథకం రైతులకు వడ్డీలేని రుణం. తాము అధికారంలోకి వస్తే రైతులకు వడ్డీ లేని రుణం ఇస్తామని వైయస్ జగన్ అప్పుడెప్పుడో ప్రకటించారు. దాన్నే కిరణ్ కుమార్ రెడ్డి తన పథకంగా ప్రకటించారు. అయితే, పథకం జగన్ ప్రకటించిందే అయినా కిరణ్ కుమార్ రెడ్డి అమలు చేస్తానన్న పథకంలో కొర్రీలున్నాయని అంటున్నారు.

లక్ష రూపాయల లోపు రుణానికే వడ్డీ రాయితీ కల్పిస్తామని, అది కూడా సకాలంలో రుణం చెల్లించిన రైతులకేనని ముఖ్యమంత్రి చెప్పారని, దాని వల్ల 30 శాతం మంది రైతులకు కూడా లాభం కలగదని అంటున్నారు. జగన్ రైతులందరికీ వడ్డీ రాయితీ కల్పిస్తానని చెప్పారని, రుణంపై పరిమితి కూడా లేదని వైయస్సార్ కాంగ్రెసు పార్టీ నాయకులు వాదిస్తున్నారు. ఏమైనా, జగన్‌ను కాపీ కొట్టిన పేరు మాత్రం ముఖ్యమంత్రి దక్కించుకున్నారు.

Published On October 3, 2011