కోమటిరెడ్డిది వైయస్ జగన్ ఎజెండా?

తెలంగాణకు చెందిన రాష్ట్ర మంత్రి కోమటిరెడ్డి వెంకటరెడ్డి వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఎజెండాను అమలు చేస్తున్నట్లు గిట్టనివారు చెవులు కొరుక్కుంటున్నారు. తెలంగాణ రాష్ట్ర సాధన ఉద్యమాన్ని తనకు అనుగుణంగా ఆయన మలుచుకునే ప్రయత్నం చేస్తున్నారనే ప్రచారం జరుగుతోంది. రాజీనామాల వ్యవహారాన్ని తెగే దాకా లాగాలనే ఆయన ఎజెండా వెనక వైయస్సార్ కాంగ్రెసు పార్టీలోకి వెళ్లే భవిష్యత్తు వ్యూహానికి అనుగుణంగా నడిపించే ప్రయత్నం చేస్తున్నట్లు చెబుతున్నారు.

రాజీనామాలు చేసిన తర్వాత ఢిల్లీకి వెళ్లాలనే మంత్రి జానారెడ్డి నిర్ణయాన్ని తీవ్రంగా వ్యతిరేకించారు. తెలంగాణపై స్పష్టమైన ప్రకటన చేస్తేనే చర్చలకు వెళ్లాలని, అది కూడా తెలంగాణ రాష్ట్రం ఇస్తున్నందుకు అభినందనలు తెలపడానికి మాత్రమే వెళ్లాలని ఆయన అన్నారు. ఎలాగూ తెలంగాణ ఇచ్చే పరిస్థితి లేదు కాబట్టి రాష్ట్ర ప్రభుత్వాన్ని పడగొట్టే అవకాశాన్ని చేజార్చుకోకూడదని ఆయన అనుకున్నారట. పైగా, మంత్రి వర్గ విస్తరణ జరిగితే ఆయన మంత్రి పదవికి కూడా ఎసరు వస్తుంది. ఇవన్నీ పసిగట్టి ఆయన ముందస్తుగా వేసుకున్న పథకం ప్రకారం వ్యవహరిస్తున్నారని అంటున్నారు.

English summary

It is said that Minister from Telangana Komatireddy Venkat Reddy is implementing YSR Congress party president YS Jagan agenda.