వర్మ బెజవాడ రౌడీలుకు ఎన్నారై సెగ

By Nageswara Rao

Published: Tuesday, May 31, 2011, 9:26 [IST]

రామ్‌గోపాల్ వర్మ బెజవాడ రౌడీలు సినిమా టైటిల్‌కు ఎన్నారై సెగ తగిలింది. బెజవాడ రౌడీలు సినిమా టైటిల్‌కు వ్యతిరేకంగా కృష్ణా ఎన్నారై ఆర్గ్ సంతకాల సేకరణ ఉద్యమాన్ని చేపట్టినట్లు రామ్ తాతినేని ఓ ప్రకటనలో తెలిపారు. విజయవాడ, కృష్ణా జిల్లా ప్రజల మనోభావాలను దెబ్బ తీసే విధంగా ఉన్నందున బెజవాడ టైటిల్ మార్చాలని ఆయన డిమాండ్ చేశారు. వర్మ బేషరతుగా విజయవాడ, కృష్ణా జిల్లా ప్రజలకు క్షమాపణ చెప్పాలని ఆయన కోరారు.

బెజవాడ రౌడీలు టైటిల్‌కు వ్యతిరేకంగా సంతకాలు చేయాలని ఆయన కోరారు . అందుకు http://www.ipetitions.com/petition/changebrtitle/పై క్లిక్ చేయవచ్చు. ఈ సంతకాలతో కూడిన వినతిపత్రాన్ని రామ్ గోపాల్ వర్మకు, ముఖ్యమంత్రికి, గవర్నర్‌కు, సెన్సార్ బోర్డుకు సమర్పిస్తామని ఆయన తెలిపారు. వర్మ టైటిల్‌ను మార్చడానికి ముందుకు రాకపోతే హైకోర్టుకు వెళ్తామని ఆయన హెచ్చరించారు. అవసరమైతే సుప్రీంకోర్టుకు వెళ్తామని ఆయన చెప్పారు.

Published On May 31, 2011