లగడపాటి రాజగోపాల్ లక్షల నెంబర్

కాంగ్రెసు పార్లమెంటు సభ్యుడు లగడపాటి రాజగోపాల్ పది మందిలో ఒక్కరిగా కాకుండా ప్రత్యేకంగా కనిపిస్తారు. తాజాగా, ఆయన మరో రకంగా వార్తల్లోకి ఎక్కారు. ఎప్పుడూ వార్తల్లో ఉండే వ్యక్తి మరో రకంగా వార్తల్లోకి ఎక్కడమేమిటంటే, తన కొత్త కారుకు ఆయన పోటీ పడి మరీ ఫ్యాన్సీ నెంబర్‌ను సంపాదించుకున్నారు. ఆయన రూ. 5.54 లక్షల రూపాయలు ధారపోసి ఎపి8సిఎఫ్999 అనే నెంబర్‌ను తన కొత్త కారుకు పొందారు.

లగడపాటి పోటీ పడి గెలుచుకున్న నెంబర్ కోసం ఐదుగురు పోటీ పడ్డారట. వారికన్నా ఎక్కువ చెల్లించడానికి ముందుకు రావడంతో ఆ నెంబర్‌ను ఆర్టిఎ అధికారులు లగడపాటికి కేటాయించారు. రవాణా శాఖ సెంట్రల్ జోన్ కార్యాలయం ఫ్యాన్సీ నెంబర్ల కోసం నిర్వహించిన వేలం పాటలో రూ. 8 లక్షలు సంపాదించింది. అందులో లడపాటిదే ఎక్కువ కోటా అని తెలియడం లేదా.

English summary

Congress MP Lagadapati Rajagopal has got fancy number for his new car in auction.