సోనియా గాంధీ మిషన్‌లో జెపి

కాంగ్రెసు అధ్యక్షురాలు సోనియా గాంధీ మిషన్‌లో లోకసత్తా అధ్యక్షుడు జయప్రకాష్ నారాయణ కీలక పాత్ర పోషిస్తున్నారని వినికిడి. సామాజిక కార్యకర్త అన్నా హజారేకు విరుగుడుగా ఆయన ముందుకు వచ్చినట్లే కనిపిస్తోంది. లోక్‌పాల్ బిల్లులో ప్రధానిని చేర్చాల్సిందేనని అన్నా హజారే పట్టుబడుతుంటే, మినహాయించాలని జెపి వాదిస్తున్నారు. ఈ మేరకు ఆయన ప్రధానికి ఓ లేఖ కూడా రాశారు. విమర్శిస్తున్నట్లు కనిపిస్తూనే కాంగ్రెసు నాయకత్వంలోని కేంద్ర ప్రభుత్వానికి సహకరించడం ఆయన నిర్వహించే పాత్ర అని గిట్టనివారు ఆడిపోసుకుంటారు.

శ్రీకృష్ణ కమిటీ నివేదిక రూపకల్పనలో, తెలంగాణపై అనుసరించాల్సిన వైఖరి విషయంలో కూడా జయప్రకాష్ నారాయణదే కీలక పాత్ర అంటారు. మేధావిగా, నిష్పక్షపాతిగా పేరు సంపాదించుకున్న ఆయన మాటలకు సర్వసమ్మతం లభిస్తుందనే ఉద్దేశం ఉంది. అందుకే ఆయనను కాంగ్రెసు నాయకత్వం ఓ అస్త్రంగా వాడుకుంటోందని విమర్శించేవారు లేకపోలేదు. తెలుగుదేశం పార్టీని ఓడించి, కాంగ్రెసు పార్టీని ఓడించడంలో కూడా ఆయన పార్టీ గత ఎన్నికల్లో కీలకపాత్ర వహించినట్లు చంద్రబాబు నాయుడి లాంటి వారు విమర్సించిన విషయం తెలిసిందే.

English summary

It is said that Loksatta president Jayaprakash Narayana is instrumental in solving problems for Sonia Gandhi.