మిస్ విశాఖ: ఫ్రం వైజాగ్ టు టాలీవుడ్!

ఆదివారం సాయంత్రం ముద్దుగుమ్మలు సాగర తీరంలో ర్యాంపుపై తమ హొయలు ప్రదర్శించనున్నారు. తద్వారా టాలీవుడ్‌లోకి తెరంగేట్రం చేయడానికి సన్నద్ధమవుతున్నారు. విషయానికి వస్తే సాయి క్రియేటివ్ ఎంటర్‌టైన్‌మెంట్ ఆధ్వర్యంలో ఆదివారం సాయంత్రం ఏడు గంటలకు నోవాటెల్‌లో మిస్ విశాఖ 2011 పోటీలు జరుగుతున్నాయి. అయితే ఈ పోటీలలో ఇద్దరిని ఎంపిక చేస్తారు. ఏడాదికి ఒక్క తెలుగు అమ్మాయినైనా సినీ పరిశ్రమకు పరిచయం చేయాలన్నతపనతో ఈ మిస్ వైజాగ్ పోటీలు నిర్వహిస్తున్నారు.

సాయంత్రం కలరు ఫుల్‌గా మిస్ వైజాగ్ పోటీలు జరగనున్నాయి. రాజమండ్రి, గుంటూరు, విజయవాడ, శ్రీ పొట్టి శ్రీరాములు నెల్లూరు, తిరుపతి తదితర కేంద్రాలలోనూ ఇలాంటి పోటీలు ఏర్పాటు చేసి అక్కడి నుండి సినీ పరిశ్రమకు తెలుగు అమ్మాయిలను తీసుకు వెళ్లే ప్రయత్నాలు చేస్తున్నారు. కాగా విశాఖ పోటీల్లో 35 మంది పాల్గొనగా ఫైనల్ సెలక్షన్స్‌లలో 12 మంది నిలిచారు. సాయంత్రం అందులో నుండి ఇద్దరిని ఎంపిక చేస్తారు. ఈ కార్యక్రమానికి హీరోయిన్ శ్వేతాబసు ప్రసాద్, అక్ష కూడా హాజరు కానున్నారట. ఇలాంటి కార్యక్రమం నిర్వహించడం పట్ల పోటీలో పాల్గొనే అమ్మాయిలు హర్షం వ్యక్తం చేస్తున్నారు.

English summary

Sai Creative Entertinement is organiged Miss Vishaka selection today at Novatel of Vishakapatnam today.