చిరు కేంద్ర మంత్రి కూడా కాలేరా?

కాలం కలిసి రాకపోతే పచ్చి కట్టె పామై కరుస్తుందని అంటారు. పాత ప్రజారాజ్యం పార్టీ అధ్యక్షుడు, కాంగ్రెసు కొత్త నాయకుడు చిరంజీవి అంత కష్టమేమీ రాలేదు కానీ కేంద్ర మంత్రి పదవి కూడా ఆయనకు అందని ద్రాక్ష పండే అవుతోంది. ముఖ్యమంత్రి పీఠంపై ఆశలు పెట్టుకుని పార్టీని స్థాపించిన ఆయనకు ఆశాభంగమే ఎదురైంది. కనీసం కేంద్ర మంత్రి పదవి అయినా దక్కుతుందేమోనని అనుకుంటే ప్రధాని డాక్టర్ మన్మోహన్ సింగ్ చావు కబురు చల్లగా చెప్పారు.

మంగళవారం మంత్రివర్గ పునర్వ్యస్థీకరణ చేపట్టిన మన్మోహన్ సింగ్ ఇక మరోసారి మంత్రి వర్గ విస్తరణ ఉండదని తేల్చేశారు. దీంతో చిరంజీవి కేంద్ర మంత్రి పదవిపై ఆశ వదిలేసి ముఖ్యమంత్రి పదవి కోసం కళ్లలో ఒత్తులు వెసుకుని ఎదురు చూడాల్సిందే. ఆయనకు అంత సహనం ఉందో, లేదో చూడాల్సిందే.

English summary

Chiranjeevi may not become Union Minister, since PM Manmohan Singh cleared that this is the last cabinet expansion.