చిరంజీవికి తమ్ముడు దూరమే

By Pratap

Published: Monday, June 20, 2011, 10:09 [IST]

కాంగ్రెసు పార్టీ నాయకుడిగా అవతారమెత్తిన చిరంజీవికి తమ్ముడు పవన్ కళ్యాణ్ మద్దతు లభించేట్లు లేదు. కుటుంబ సంబంధాలు ఎలా ఉన్నప్పటికీ రాజకీయాల్లో మాత్రం అన్నయ్య దారిలో నడవకూడదని పవన్ కళ్యాణ్ నిర్ణయించుకున్నట్లు చెబుతున్నారు. కాంగ్రెసు పార్టీని గత ఎన్నికల్లో ఉతికి ఆరేసిన ఆయన కాంగ్రెసులో పనిచేయడానికి అంత సుముఖంగా లేరని చెబుతున్నారు. అన్నయ్యను ముఖ్యమంత్రిగా చూడాలని ఆశపడిన ఆయనకు నిరాశ ఎదురైంది. దీంతో రాజకీయాల పట్ల ఆయనకు విముఖత కూడా ఏర్పడినట్లు చెబుతున్నారు.

రాజకీయాలకు దూరంగా ఉంటూ సినిమాలు చేసుకోవడమే మంచిదని ఆయన భావిస్తున్నారట. దాంతో సినిమాల్లో ఆయన బిజీ అయిపోయారు. వివిధ చిత్రాల్లో ఆయన నటిస్తున్నారు. కొత్త సినిమాలకు అంగీకరిస్తున్నారు. ఏమైనా, పవన్ కళ్యాణ్‌కు రాజకీయాల రుచి తెలిసిందని, దాంతో వైరాగ్యంలో పడిపోయారని అంటున్నారు.

Published On June 20, 2011