రజినీకాంత్‌కు రామోజీ సెంటిమెంట్

By Pratap

Published: Friday, September 23, 2011, 8:35 [IST]

ఒక్కొక్కరికి ఒక్కో సెంటిమెంటు ఉంటుంది. సినిమాల్లో ఉన్నవారికి మరీనూ. సూపర్ స్టార్ రజనీకాంత్ సెంటిమెంట్ల గురించి కథకకథలుగా చెప్పుకుంటారు. తాజాగా ఆయనకు సంబంధించిన మరో సెంటిమెంటు వెలుగులోకి వచ్చింది. తన ప్రతి సినిమాకు చెందిన ఒక్క షెడ్యూల్ షూటింగైనా హైదరాబాదులోని రామోజీ ఫిల్మ్ సిటీలో చేస్తారట. అదీ ఆయన సెంటిమెంట్. రజనీకాంత్ తండ్రి పేరు రామోజీరావు కావడంతో అలా చేస్తుంటాడని ప్రచారం.

ఇప్పుడు రాణా షూటింగ్ కూడా రామోజీ ఫిల్మ్ సిటీలో జరగబోతున్నట్లు తెలుస్తోంది. అక్టోబర్ 3వ తేదీన రాణా షూటింగ్ రామోజీ ఫిల్మ్ సిటీలో జరుగుతున్నట్లు తెలుస్తోంది. ఇందుకు గాను ఒక ప్యాలెస్ సెట్, మరో షిప్ సెట్ వేశారట. దీపికా పడుకొనే, సోనూ సూద్ కూడా ఈ షూటింగులో పాల్గొంటారని తెలుస్తోంది.

Published On September 23, 2011