వైయస్ జగన్‌ పొడ గిట్టని రేణుకా చౌదరి

ఎఐసిసి అధికార ప్రతినిధి రేణుకా చౌదరికి వైయస్సార్ కాంగ్రెసు పార్టీ అధ్యక్షుడు వైయస్ జగన్ పొడ కూడా గిట్టనట్లుంది. ఆమె సోమవారం సాతంత్ర్య దినోత్సవ వేడుకల సందర్భంగా ఖమ్మంలో పలు కార్యక్రమాల్లో పాల్గొన్నారు. ఈ సమయంలో ఆమెకు మయూరి సెంటర్ వద్ద జగన్ ఫొటోతో ఉన్న ఫ్లెక్సీ కనిపించింది. అంతే, ఆమె కాన్వాయ్ అగిపోయింది. తన అనుచరులతో ఆ ఫ్లెక్సీని తొలగింపజేశారు.

రెండో మాట ఏమంటే, ఆమె జెండా ఆవిష్కరిస్తున్న సమయంలో ఓ వృద్ధుడు జై జగన్ అంటూ నినాదాలు చేశారట. రేణుకా చౌదరి అనుచరులు ఎంతగా వారించినా అతను వినలేదని చెబుతున్నారు. పైగా రేణుకా చౌదరి కాన్వాయ్ వద్దకు వచ్చి నినాదాలు చేశాడు. దీంతో అరవద్దంటూ రేణుకా చౌదరి వంద రూపాయల నోటు అతడి చేతిలో పెట్టి వెళ్లిపోయారట.

English summary

AICC spokesperson Renuka Chowdary has removed YSR Congress party president YS Jagan's flexi at Khammam.