రాజీనామాలతో రికార్డు!: జగన్, తెలంగాణ ఇష్యూ

మన రాష్ట్ర చరిత్రలోనే పదవమూడవ శాసనసభ వరుస రాజీనామాలతో రికార్డు సృష్టించింది. 2009లో కాంగ్రెసు పార్టీ అధికారంలోకి వచ్చినప్పటి నుండి ఇప్పటి వరకు తెలంగాణ, వైయస్ జగన్మోహన్ రెడ్డి ఇష్యూల కారణంగా పలువురు ఎమ్మెల్యేలు రాజీనామా చేశారు. రెండున్నరేళ్లలో వందల సంఖ్యలో రాజీనామాలు, తిరస్కరణలకు గురయ్యాయి. రెండేళ్ల క్రితం డిసెంబర్ 9న ప్రకటన కారణంగా ఇరుప్రాంతాలకు చెందిన రెండువందల ఇరవై రెండు మంది ఎమ్మెల్యేలు రాజీనామా చేశారు. ఆ తర్వాత తొంబై రెండు మంది రాజీనామాలు ఉపసంహరించుకోగా మిగిలిన వారివి నాటి స్పీకర్ కిరణ్ కుమార్ రెడ్డి జనవరిలో తిరస్కరించారు.

జూలైలో తెలంగాణ కోసమంటూ 101 మంది ఎమ్మెల్యేలు, ఆ తర్వాత దివంగత వైయస్ పేరు సిబిఐ ఎఫ్ఐఆర్‌లో ఉందంటూ మరో 26 మంది ఎమ్మెల్యేలు రాజీనామా చేశారు. ఇందులో మంత్రులవి కూడా ఉన్నాయి. ఇందులో కొన్నింటిని గతంలో తిరస్కరించడం తెలంగాణ ప్రజాప్రతినిధులు మళ్లీ రాజీనామాలు చేయడం కూడా జరిగింది. వీటిలో 61 రాజీనామాలు స్పీకర్ నాదెండ్ల రెండు రోజుల క్రితం తిరస్కరించారు. ఈ పరంపరలో స్పీకర్ ఇటీవల నాగం, జూపల్లి, పోచారం, నల్లపురెడ్డి తదితరుల రాజీనామాలు ఆమోదించారు. మొత్తానికి ఈ శాసనసభ రాజీనామాలు, తిరస్కరణలతో రికార్డు సృష్టించింది.

English summary

AP 13th assembly created records with resignations. MLAs resigning for Telangana and YS Jaganmohan Reddy.