బాక్సర్‌కే పంచ్ ఇచ్చిన శంకర్ రావు

By Srinivas

Published: Sunday, September 18, 2011, 11:43 [IST]

తన మాటలు, చేతలతో నిత్యం పత్రికలకెక్కే వ్యక్తి చేనేత, జౌళీ శాఖమంత్రి శంకర్ రావు. మంత్రివర్గంలో ఉంటూ మంత్రులను విమర్శించినా, ఏకంగా ముఖ్యమంత్రి కిరణ్ కుమార్ రెడ్డిపై విమర్శలు చేసినా, వైయస్సార్సీ పార్టీ అధ్యక్షుడు, కడప పార్లమెంటు సభ్యుడు వైయస్ జగన్మోహన్ రెడ్డి ఆస్తులపై అలుపెరగని పోరాటం చేసినా, బెదిరింపు ఫోన్సు వస్తున్నా ప్రభుత్వం పట్టించుకోవడం లేదంటూ తన ప్రభుత్వం పైనే తీవ్ర విమర్శలు చేసినా, తన పిఏపై చేయి చేసుకోవడం అన్నీ ఆయనకే చెల్లింది.

అయితే ఇటీవల ఆయన ఓ బాక్సర్‌ను కంగు తినిపించాడట. ఇటీవల నేషనల్ బ్యాక్సింగ్ పోటీల సందర్భంగా మంత్రి శంకర్ రావు హాజరయ్యారు. శంకర్ రావు బాక్సర్‌లను పరిచయం చేసుకుంటూ ఓ బాక్సర్ పైన తన పంచ్‌లు అకస్మాత్తుగా కురిపించాడట. తనపై అకస్మాత్తుగా పంచ్‌లు కురిపించడంతో బిత్తరపోవడం ఆ బాక్సర్ వంతయిందట. శంకర్ రావు పవర్ పంచ్ చూసి వచ్చిన బాక్సర్‌లు అందరూ తెల్లమొహం వేశారట.

Published On September 18, 2011