శ్రీలక్ష్మియా, మజాకా: సందేశాల వెల్లువ

By Pratap

Published: Friday, December 23, 2011, 8:33 [IST]

ఐఎఎస్ అధికారి శ్రీలక్ష్మికి వచ్చిన మెసేజ్‌ల వెల్లువ చూసి బిత్తరపోయే స్థితి అంటున్నారు. 'మేడమ్... కంగ్రాట్స్. న్యాయ పోరాటంలో మీకు తొలి విజయం లభించింది. అంతిమ విజయం కూడా మీదే!'.... అంటూ శ్రీలక్ష్మికి సందేశాలు వెల్లువెత్తాయని ఓ ప్రముఖ దినపత్రిక రాసింది. ఈనెల 2న బెయిల్ రాగా, నాలుగైదు రోజుల కిందటి వరకు అభినందనల పరంపర కొనసాగుతూనే ఉందని ఆ పత్రిక రాసింది. కానీ, ఈ అభినందనలేవీ శ్రీలక్ష్మి దాకా చేరనే లేదట. ఆమె సెల్‌ఫోన్ సీబీఐ వారి చేతిలో ఉండడమే అందుకు కారణమని ఆ పత్రికా రాసింది.

శ్రీలక్ష్మిని అరెస్టు చేయగానే సీబీఐ అధికారులు ఆమె సెల్‌ఫోన్‌ను స్వాధీనం చేసుకున్నారు. ఈ విషయం తెలియని శ్రీలక్ష్మి అభిమానులు, శ్రేయోభిలాషులు ఆమె నెంబర్‌కు విచ్చలవిడిగా ఎస్ఎమ్మెస్‌లు, ఫోన్లు చేశారు. ఆమెకు ఉన్న ఫాలోయింగ్ ఏమిటో, బెయిలు వచ్చిన తర్వాతగానీ సీబీఐ అధికారులకు తెలియలేదు. వందల సంఖ్యలో అభినందన సందేశాలు రావడంతో సీబీఐ అధికారులు విస్తుపోయారట.

Published On December 23, 2011