అమెరికాకు ఎగిరిపోయిన జగన్ వర్గం ఎమ్మెల్యే

తప్పించుకు తిరుగువాడు ధన్యుడని మన సుమతీ శతకకారుడు చెప్పనే చెప్పాడు. వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి వర్గానికి చెందిన శాసనసభ్యులు ఆ నీతినే పాటిస్తున్నట్లున్నారు. ఏదో ఒక కారణం చెప్పి గురువారం జరిగే జగన్ వర్గం శాసనసభ్యుల సమావేశానికి డుమ్మా కొట్టే ఏర్పాట్లు చేసుకుంటున్నట్లున్నారు. జగన్‌కు అత్యంత సన్నిహితుడిగా ముద్ర పడిన శ్రీకాంత్ రెడ్డి తాజాగా అదే పని చేసినట్లున్నారు. అయితే, తన అమెరికా పర్యటన ముందే ఖరారైందని, అందువల్ల తాను సమావేశానికి హాజరు కాలేకపోతున్నానని ఆయన చెప్పినట్లు సాక్షి దినపత్రిక ఓ వార్తను ప్రచురించింది. నిజమే కావచ్చు, కీలకమైన సమయంలో ఇటువంటి వ్యవహారాలు అపార్థాలకు దారి తీస్తాయి.

తాను జగన్ వెంటే ఉంటామని శ్రీకాంత్ రెడ్డి మరీ బల్ల గుద్ది చెప్పినట్లే ఉన్నారు. కానీ, అసలు రహస్యం వేరే ఉంది. జగన్ వర్గానికి చెందిన శాసనసభ్యులు తమ రాజీనామాలు ఆమోదం పొందకుండా, పార్టీ ఫిరాయింపుల చట్టం కిందికి రాకుండా తప్పించుకు తిరుగుతున్నారనే పుకార్లు సాగుతున్నాయి. ఆ పుకార్లలో వాస్తవం లేకపోలేదు. ఇప్పుడు శ్రీకాంత్ రెడ్డి పర్యటన ముందే ఖరారైనా, ఆ తర్వాత ఖరారైనా ఇదే కోవలోకి వస్తుందని జగన్ ప్రత్యర్థులు అంటే ఎవరు చేసేదీ ఏమీ లేదు.

English summary

YSR Congress party president YS Jagan vamp MLA left for USA, not attending the meeting.