సాక్షి కాంపైన్: తెలంగాణ కాంగ్రెసు?

By Pratap

Published: Monday, October 31, 2011, 11:43 [IST]

తెలంగాణపై పార్టీ అధిష్టానం జాప్యం చేస్తున్న నేపథ్యంలో కాంగ్రెసు తెలంగాణ ప్రాంత నాయకులు ప్రత్యామ్నాయాలపై దృష్టి పెట్టినట్లు చెబుతున్నారు. అధిష్టానం కాలయాపన, ప్రజల దూకుడు కాంగ్రెసు తెలంగాణ ప్రాంత నాయకులను కుడితిలో పడిన ఎలుకల్లా తయారు చేసింది. ముగ్గురు కాంగ్రెసు శానససభ్యులు పార్టీకి రాజీనామా చేసి తెలంగాణ రాష్ట్ర సమితి (తెరాస)లో చేరిన నేపథ్యంలో వైయస్సార్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డికి చెందిన సాక్షి మీడియా ఓ సరికొత్త ప్రచారానికి తెర తీసింది.

కాంగ్రెసు తెలంగాణ ప్రాంత నాయకులు వేరు కుంపటి పెడుతారని, తెలంగాణ కాంగ్రెసు పేరిట ఓ పార్టీని పెడతారని సాక్షి మీడియాలో చిన్నపాటి వార్త పెట్టారు. దాంతో ఆ ప్రచారం అంతటా వ్యాపించింది. దానిపై చర్పోచర్చలు జరుగుతున్నాయి. అయితే, తెలంగాణ కాంగ్రెసు నాయకులు అంతటి సాహసానికి పూనుకుంటారని ఎవరూ విశ్వసించడం లేదు. పార్టీలో ఉండడం ఇష్టం లేని నాయకులు, ప్రజాప్రతినిధులు తమ భవిష్యత్తుకు గ్యారంటీ చూసుకుని తెరాసలోకి దూకే ఉద్దేశంతోనే ఉున్నట్లు తెలుస్తోంది.

Published On October 31, 2011