రజనీకాంత్‌పై వడివేలు చిందులు

By Pratap

Published: Saturday, April 30, 2011, 9:11 [IST]

ఎప్పుడు ఎవరు ఏమవుతారో, ఏం చేస్తారో చెప్పలేం. ప్రముఖ తమిళ హాస్య నటుడు సూపర్ స్టార్ రజనీకాంత్‌పై చిందులు తొక్కారు. నిప్పు తొక్కిన కోతిలా లేచారు. రజనీకాంత్ నటిస్తున్న రాణా చిత్రం నుంచి తనను తొలగించడంతో వడివేలు తోక తొక్కిన తాచులా బుస్సుమన్నారు. ముఖ్యమంత్రి కరుణానిధిని కలిసి తన గోడునంతా వెళ్లబోసుకున్నట్లు సమాచారం. కరుణానిధిని కలిసిన తర్వాత వడివేలు మీడియా ప్రతినిధులతో మాట్లాడారు.

"రాణా-గాణా జాంతానై. ఇలాంటి వాటికి నేను భయపడేది లేదు. మే 13 తరువాత ఈ సీన్లు, సీజన్లు అన్నీ మారిపోతాయి. ఆ రోజున ఎవరి సంగతేంటో తేలుస్తా'' అని గుర్రుమన్నారు. ఇటీవలే వడివేలు ఎండిఎంకె నేత విజయ్‌కాంత్‌పై ఘాటైన వ్యాఖ్యలు చేసి వివాదానికి తెర తీశారు. ఇప్పుడు రజనీతో పెట్టుకంటున్నారు.

Published On April 30, 2011